भांगरभूंय | प्रतिनिधी
पणजी : कर्मचारी भरती आयोगा वरवीं 4 (फाल्यां) आनी 5 ऑक्टोबराक अकावंटंट, असिस्टंट स्टेट टॅक्स ऑफीसर आनी स्टेट टॅक्स इन्स्पॅक्टर पदां खातीर पयली सीबीटी परीक्षा जातली. वट्ट 65 पदां खातीर 9 हजार उमेदवार सीबीटी परीक्षा दितले, अशी म्हायती सुत्रांकडल्यान मेळ्ळी.
अकावंटंटाचीं 22 पदां, असिस्टंट स्टेट टॅक्स ऑफिसाची 9 जाल्यार स्टेट टॅक्स इन्स्पेक्टराचीं 34 पदां भरपा खातीर आयोगान 18 जुलय 2025 दिसा जायरात दिल्ली. तिनूय मेळून वट्ट 65 पदां खातीर 9 हजारां लागीं अर्ज आयल्यात. ह्या सगल्यां खातीर फाल्यां आनी परवां अशी दोन दीस पयली सीबीटी परीक्षा जातली.
60 गुणांच्या पेपरा खातीर 75 मिनटां दितले. दिव्यांग उमेदवारां खातीर 20 मिनटां चड दितले. उमेदवारांची चार कुडक्यांनी विभागणी केल्या. हॉल तिकेट उमेदवारांक इमेल धाडल्यात. उत्तर गोंयांत आग्नेल इन्स्टिट्यूट ऑफ टेक्नोलॉजी (आसगाव) आनी सेंट झेवीयर महाविद्यालय (धुळेर – म्हापशें) हांगा परिक्षा जातली. दक्षीण गोंयांत डॉन बॉस्को अभियांत्रिकी महाविद्यालय (फातोर्डा), रोजरी महाविद्यालय (नावेली) आनी एनआयटी (कुंकळ्ळी) हांगा परिक्षा जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
