भांगरभूंय | प्रतिनिधी
पणजीः गोंयांत आतां मेरेन 63 टक्के रेशन कार्ड लावार्थ्यांनी ई-केव्हायसी केल्या. हातूंत राष्ट्रीय अन्न सुरक्षा कायदो (एनएफएसए) खाला येवपी एएवाय आनी पीएचएच रेशन कार्डाच्या 74.09 टक्के लावार्थ्यांनी जाल्यार गरिबी रेशे वयर रेशन कार्डाच्या 54.04 टक्के लावार्थ्यांनी ही प्रक्रिया पुराय केल्या. पूण फाटल्या एका म्हयन्याचे तुळेंत एक टक्के वाड ऑगस्ट म्हयन्यांत जावंक ना.
नागरी पुरवण आनी गिरायक वेव्हार खात्यांतल्या अधिकाऱ्यांनी दिल्ले म्हायती प्रमाण रेशन लावर्थ्या मेरेनच पावचें आनी ताचो दुरुपेग जावचो न्हय हे खातीर केंद्र सरकारान ई-केव्हायसी सक्तीची केल्या. ही प्रक्रिया पुराय करपा खातीर केंद्र सरकार मुजत वाड दीत आसा. फाटले खेपे 30 एप्रील मेरेन मुजतवाड दिल्ली आनी उपरांत जर ई-केव्हायसी प्रक्रिया पुराय करूंक ना जाल्यार रेशन कार्ड स्थगीत करून लाव मेळपाचे बंद जातले अशी शिटकावणी लेगीत दिल्ली.
पूण आतां सगल्या रेशन कार्ड धारकां कडल्यान प्रक्रिया 30 जून मेरेन पुराय करपाची सुचोवणी केंद्रा कडल्यान सरकाराक आयल्या. पूण 30 जून सोंपले उपरांतय हीं कार्डा स्थगीत करप वा चालू दवरप हे विशींचे कसलेच निदेश केंद्रान आमकां दिवंक ना. ही प्रक्रिया करप चालूच आसा, अशें अधिकाऱ्यान सांगलें.
गोंयांत एनएफएसए खाला एएव्हाय आनी पीएचएच 1,24,292 लाख कार्डां आसात. ह्या कार्डाचे 4,59,665 लाख लावार्थी आसात आनी तातूंतल्या 3,40,570 लाख लावर्थ्यांनी ई-केव्हायसी केल्या. 74.09 टक्के ही प्रक्रिा पुराय जाल्या. उत्तर गोंयात 59,406 कार्डां आसात. ह्या कार्डाचे 2,15,989 लावार्थी आसात आनी तातूंतल्या 1,59,421 लावर्थ्यांनी ई-केव्हायसी केल्या. 73.81 टक्के मेरेन ही प्रक्रिया पुराय जाल्या.
जाल्यार दक्षीण गोंयांत 64,886 कार्डां आसात. ह्या कार्डाचे 2,43,676 लाख लावार्थी आसात आनी तातूंतल्या 1,81,149 लाख लावर्थ्यांनी ई-केव्हायसी केल्या. 74.34 टक्के मेरेन ही प्रक्रिया पुराय जाल्या.
गोंयांत गरिबी रेशे वयलीं 1,37,912 लाख रेशन कार्डां आसात. ह्या कार्डाचे 5,14,181 लावार्थी आसात आनी तातूंतल्या 2,77,794 लावर्थ्यांनी ई-केव्हायसी केल्या. 54.03 टक्के ही प्रक्रिया पुराय जाल्या.
उत्तर गोंयांत 61,159 कार्डां आसात. ह्या कार्डाचे 2,22,890 लावार्थी आसात आनी तातूंतल्या 1,21,613 लावर्थ्यांनी ई-केव्हायसी केल्या. 54.56 टक्के मेरेन ही प्रक्रिया पुराय जाल्या.
जाल्यार दक्षीण गोंयांत 76,753 कार्डां आसात. ह्या कार्डाचे 2,91,291 लावार्थी आसात आनी तातूंतल्या 1,56,181 लाख लावर्थ्यांनी ई-केव्हायसी केल्या. 53.62 टक्के मेरेन ही प्रक्रिया पुराय जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
