भांगरभूंय | प्रतिनिधी
भांगरभूंय । प्रतिनिधी
मुरगांवः वास्कोच्या मुंडवेल युनायटेड क्लबान आयोजीत केल्ले 6 खेळगड्यांचे अखील गोंय फुटबॉल सर्तींत दाबोळी- चिखली हांगच्या वोकाबू बॉयज पंगड जैतिवंत थारलो. तांणी राय हांगच्या पप्पू बॉयजांक फायनलींत 6 आड 5 गोलांनी हारयलें.
सर्त मुंडवेल वाडे कदंब बसस्टॅण्डा कुशीक आशिल्ल्या मैदानार जाली. जैतिवंत पंगडाक रोख 25 हजार आनी उप जैतिवंत पंगडाक 15 हजार रुपयाचें इनाम आनी करंड भेटयले. वोकाबूचो खेळगडो सुशांत बोकरार बरो खेळगडो आनी व्हिनिंग इलेवन सडाचो प्रतीक बोरकार बरो गोलकी थारलो. तांकां रोख इनाम भेटयलें.
मुरगांव नगरपालिका मंडळाचो आदलो नगराध्यक्ष नंदादीप राऊत हाचें हस्तुकीं इनामां भेटयलीं. ह्या वेळार क्लबाचो अध्यक्ष रामचंद्र कोरगांवकार, रमेश नायक, अनिकेत आरोंदेकार, विशाल बागकार, प्रवीण धुरी, सनी मोरूडकार हाजीर आसिल्ले. फायनलीचें समालोचन जिमी डिसोझान केलें. सुरज नायकान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
