भांगरभूंय | प्रतिनिधी
भांगरभूंय । प्रतिनिधी
मुरगांवः साकवाळ जुवारी इंडियन ऑयल अदानी व्हेन्चर कंपनीच्या आल्तो दाबोळी हांगा जमनी पोंदचे इधन वाहिनीक लागिल्ले गळटेक 50 दीस पुराय जाले तरी दाबोळी- चिखली व्हडलें भाट परिसररांत अजूनय पॅत्रोल- डिझे मिस्तुरात इंधन मेळटा. जुवारी व्हेंन्चर कंपनी वतीन दोनशें परस चड टॅन्कार इंधन मिस्तुरात उदक बांयेतल्यान काडला असें सांकवाळचो पंच वांगडी निलम नायक हाणे सांगलें. अजून इधनाचो वास पुराय वाठारांत येता. ताका लागून कांय जाणांक किडनीच्यो समस्या उप्रासल्यात असो दावो ताणे केला.
दाबोळी चिखली व्हडलें भाट वाठारांत फाटल्या नोव्हेंबर म्हयन्यांत बांयो, व्हाळ आनी शेत जमनींत इंधन मिस्तुराद जाल्ले उदक मेळटा. आल्तो दाबोळी हाकां इंधन वाहिनीक गळटी लागल्यान पुराय व्हडलें भाट वाठारांत अशें उदक पातळ्ळां. ताका लागून ह्या वाठारांतल्या लोकांचे भलायकेक धोको उप्रासला. बांयो प्रदूशीत जाल्यात, शेत जमीन इबाडल्या अशें निलन नायकान सांगलें.
इधन गळटी लागून 50 दीस जाले तरी जुवारी इंडियन ऑयल अदानी व्हेंन्चर कंपनीन अजून फावो ती उपाय येवजण केली ना. व्हडलें भाट वाठारांत व्हाळांत अजून इंधन दिसून येता. हें इंधन जमनींत रिगून ते शेत जमनींत पावलां आनी शेताची इबाड जाल्या.पुराय वाठारांत इंधनाचो वास येवपाक लागल्यान लोकांक स्वास घेवपाक लेगीत त्रास जातात अशें नायक हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
