भांगरभूंय | प्रतिनिधी
पेट्रोलियम मंत्रालय: भियेंव नाकात सध्या पुरवण चालूच
नवी दिल्ली: ५५ लाख सिलिंडरां बदला ७६ लाख सिलिंडर बुक करतात अशें पेट्रोलियम मंत्रालयान सांगलें. भियेंव नाकात सध्या पुरवण चालू आसा.
एलपीजी संकश्ट: सरकारान स्पश्टपणान सांगलां की देशांत जितलो गॅसाचो उणाव आसा अशें दाखयता तितलो उणाव ना, मात भंयाक लागून बुकींग अचकीत वाडल्या.
एलपीजी संकश्ट: मध्य उदेंतांत चालू आशिल्ल्या झुजा मदीं भारतांत उर्जा संकश्ट आनी गॅसीचो उणाव जाल्ल्याची खबर आयिल्ल्यान लोकांचो हुस्को वाडला. सोशल मिडियाचेर चलिल्ल्या भेकडावपी खबरां उपरांत केंद्र सरकारान ताचो कारभार घेतला. शुक्रारा पेट्रोलियम मंत्रालयाची जोड सचीव सुजाता शर्मा हांणी पत्रकार परिशद घेवन नागरिकांक सध्याचे परिस्थितीची म्हायती दिवन शांततायेचें आवाहन केलें.
सरकारान स्पश्टपणान सांगलां की देशांत जितलो गॅसाचो उणाव आसा तितलो उणाव ना, पूण भंयाक लागून बुकींग अचकीत वाडल्या. सादारणपणान दर दिसा सुमार ५०-५५ लाख सिलिंडर बुक जातात, पूण फाटल्या कांय दिसांनी हो आंकडो वाडून ७५-७६ लाख जाला. वावड्यांचेर लक्ष दिवचें न्हय आनी चड गॅस सिलिंडर सांठोवन दवरचे न्हय असो उलो सरकारान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
