भांगरभूंय | प्रतिनिधी
नवी दिल्ली, खबरां संस्था : संवसारभरांतल्या नामनेच्या निर्मात्यांक, कलाकारांक, दिग्दर्शकांक इप्फींत पुरस्कार वेंचून काडपा खातीर ज्युरी म्हणून आपयल्यात. अंदूं इफ्फींत 105 देशांतल्यान सिनेमा, म्हायतीपटांच्यो विक्रमी 2926 प्रवेशिका आयल्यात.
अंदूंचे ज्यूरी आसात :
शेखर कपूर (निर्मातो) – ज्युरी चॅरमन. शेखर कपूर हे चित्रपट निर्मातो, नट आनी दिग्दर्शक. तांकां गोल्डन ग्लोब, ऑस्कर पुरस्कारा वांगडाच पद्मश्री, राष्ट्रीय चित्रपट पुरस्कार, बाफ्टा पुरस्कार, राष्ट्रीय समीक्षा आनी तीन फिल्मफेयर पुरस्कार मेळ्ळ्यात.
जोसेफ लुईस आल्कायन (सिनेमॅटोग्राफर) – जोसेफ हे १९७० च्या दशकांत फ्लुओरेसेंट ट्यूब मुखेल प्रकाश म्हणून वापरपी पयले कॅमेरामन. बेले इपोक (बेस्ट फॉरेन लँग्वेज फिल्माचो अॅकॅडमी पुरस्कार, १९९३), टू मच (१९९५), ब्लास्ट फ्रॉम द पास्ट (१९९९), आनी द स्किन आय लायव्ह इन (२०११). जोसेफ लुईस पेद्रू आल्मोडोव्हर हाचे वांगडा तांणी काम केलां.
जेरोम पेलार्ड (फिल्म निर्मातो आनी फिल्म मार्केटाचे माजी मुखेली) – शास्त्रीय संगीतकार, कला दिग्दर्शक आनी सीएफओ म्हणून सलग काम केल्या उपरांत, जेरोम पैलार्ड हांणी एराटो फिल्म्सांत डॅनियल टोस्कन डु प्लांटियर हांचे वांगडा सत्यजीत रे, मेहंदी चारफ, सौलेमन सिसे, मॉरिस पियालाट, झां-चार्ल्स ताचेला आदी नामनेच्या दिग्दर्शकांचे एक डझना वयर फीचर फिल्मां तयार केलीं.
कॅथरीन दुस्सार्ट (फिल्म निर्माती) – कॅथरीन डस्सार्टान १५ देशांनी सुमार १०० चित्रपट तयार केल्यात वा सह-निर्मिती केल्या. हुआहुआ शिजी लिंगहुन के (२०१७), द मिसिंग पिक्चर (२०१३) आनी एक्सिल (२०१६) हे तांचे सिनेमा.
हेलन लीक (फिल्म निर्माती) – हेलन लीक ए एम ऑस्ट्रेलियेंतली एक मानाची सृजनशील निर्माती. अलेक्झांड्रा पार्क, सिसी स्ट्रिंगर आनी हॅरी ग्रीनवूड अशे जायते सिनेमा तांणी केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
