3,950 शेतकारांक 3.68 कोटींची लुकसाण भरपाय
भांगरभूंय | प्रतिनिधी
पणजीः आडोळ्या पावसाक लागून शेतीचें लुकसाण जाल्ल्या 3,950 शेतकामत्यांक 3.68 कोटी रुपयांची लुकसाण भरपाय शेनवारा मुख्यमंत्री डॉ. प्रमोद सावंत हांचे हस्तुकीं दिली.
दिवचले जाल्ले खाशेले कार्यावळींत गोंयांतल्या सगळ्या शेतकार भावांक आडोळ्या पावसांक लागून लुकसाण जाला तांकां शेतकरी आधार नीधी येवजणे खाला मुख्यमंत्र्यांचे हस्तुकीं मान्यता पत्र दिवन तांकां आर्थिक मजत भेटयटली.
अडचणीच्या वेळांर गोंयांत एक शेतकार वंचीत उरचो ना, अशें मुख्यमंत्र्यांन उलयतना सांगलें.
बरे आनी वायट काळांत शेतकारां वांगडा उबे रावपा खातीर गोंय सरकार हे पुरायपणान बांदिल आसा. शेतकामत्यांक पार्दशकताय आनी संवदेशनशीलता बाळगून वेळा भितर सहाय्य मेळटा हे सुनिश्चित करून आमी शेतकारांक सुरक्षित, शाश्वत आनी सन्मान दितात, अशें मुख्यमंत्र्यांन ह्या वेळार म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
