भांगरभूंय | प्रतिनिधी
भांगरभूंय । प्रतिनिधी
कुडचडेंः दयानंद कला केंद्राच्या चंदेरी महोत्सवांत गोंयांत जाल्ल्या 37 व्या राष्ट्रीय खेळांत पदकां मेळोवपी सांगें आनी केंपें तालुक्यांतल्या पदक मेळयल्ल्या खेळगड्यांचो खेळा मंत्री गोविंद गावडे हाचे हस्तुकीं चंदेरी भोवमान केलो. तातूंत बाबू गांवकार, श्रृंगी बादेकार हाचें सयत 14 खेळगड्याचो आसपाव आशिल्लो.
चंदेरी महोत्सव ही दयानंद कला केंद्रान सुरू केल्ली एक सांस्कृतीक आनी सामाजिक चळवळ आसा अशें गोविंद गावडे हाणी मुखेल सोयरो म्हणून उलयतना सांगलें. सामाजीक बांदिलकी म्हणून दयानंद कला केंद्रान ही भोवमान कार्यावळ आयोजीत केल्ली. दयानंद कला केंद्राच्या ज्येश्ठ वांगड्यांक राज्य सांस्कृतीक आनी आंतरराष्ट्रीय खेळां पुरस्कार मेळयल्ले खातीर तांचो ह्या वेळार भोवमान केलो. तातूंत मोर्तू नायक, शिवराय फोंडेकार, अशोक नायक, सुधाकर नायक हांचो आसपाव आशिल्लो.
37 वी राष्ट्रीय खेळां सर्त येशस्वी करून दाखयल्ले खातीर खेळां मंत्री गोविंद गावडे, सांगे आनी केपें तालुक्यांतले खेळा खात्याचो संचालक अरविंद खुटकार आनी कला आनी संस्कृती खात्याचो संचालक सगुण वेळीप हाचो कुडचड्याचो आमदार नीलेश काब्राल हाचे हस्तुकीं शाल, श्रीफळ आनी मानचिन्ह भेटोवन भोवमान केलो. कार्यावळीचें सुरवेक नीलेश काब्राल हाणे सगल्यांक येवकार दिलो. दयानंद कला केंद्राचो अध्यक्ष मोर्तू नायकान प्रास्तावीक केलें आनी पर्यटन म्हामंडळाचो आदलो संचालक केशव नायकान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
