भांगरभूंय | प्रतिनिधी
नवी दिल्ली, खबरां संस्था ः नॅशनल फार्मास्युटिकल प्रायसिंग अथॉरिटीन (NPPA) 37 गरजेच्या वखदांचो दर 10-15 टक्क्यांनी उणो केला. हातूंत काळीज, गोडेंमूत आनी संसर्ग जाल्ल्या दुयेंती खातीर गरजेचीं पॅरासिटामॉल, एटोरवास्टॅटिन आनी अॅमोक्सिसिलीन सारकिल्या वखदांचो आसपाव आसा.
शेनवारा केंद्रीय रसायन आनी सारें मंत्रालयान ड्रग्ज प्रायस कंट्रोल ऑर्डर (DPCO), 2013 खाला अधिसुचोवणी जारी केल्या. हे नवे दर मुखेल वखदां कंपनींनी तयार केल्ल्या आनी विकपी 35 वेगवेगळ्या फॉर्मूलेशनांक लागू जातले.
एनपीपीएन ह्या वखदांचो दर उणो केलां….
वेदना आनी जोर: अॅक्लोफेनॅक, पॅरासिटामॉल आनी ट्रिप्सिन किमोट्रिप्सिनच्या एकत्रित गोळ्याची किंमत आतां डॉ. रेड्डीज लॅबोरेटरीज खातीर ₹13 आनी कॅडिला फार्मास्युटिकल्स खातीर ₹15.01 आसतली.
काळजाचे दुयेंसः अॅटोरवास्टॅटिन 40 मिग्रॅ आनी क्लोपीडोग्रेल 75 मिग्रॅ हें एकत्रित वखद आतां दर टॅब्लेट 25.61 रुपया दरान मेळटलें.
साकर: एम्पाग्लिफ्लोझिन, सिटाग्लिप्टिन आनी मेटफॉर्मिन ह्या सारक्या संयोजनांची किमंत दर टॅब्लेट ₹ 16.50 आसा, जी टायप 2 गोडेंमूत दुयेंती खातीर खूब म्हत्वाची आसा.
जीवनसत्वां: व्हिटॅमिन डी (कोलेकॅल्सीफेरॉल) ड्रॉप आनी डायक्लोफेनाक इंजेक्शनाची किंमत दरेक मिलिलीटर ₹31.77 दर थारायल्या. हाचे भायर कांय कोलेस्टेरॉल आनी एलर्जी-दम्याच्या वखदांचोय दर मर्यादीत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
