भांगरभूंय | प्रतिनिधी
भारतीय लश्कराच्या जवानांनी बुधवारा भारतांत केल्ल्या मिलिटरी कॉम्बॅट पॅराशूट सिस्टीम (MCPS) ची येसस्वी तपासणी घेतली. भारतीय हवाई दळाच्या तीन जवानांनी 32,000 फूट उंचायेवेल्यान उडी मारली. पॅराशूटच्या लँडिंग, नियंत्रण आनी नेव्हिगेशनाची तांक सुदारपाच्या हेतान ही तपासणी घेतात. पॅराशूट सिस्टीमांत नेव्हिगेशन विथ इंडियन कॉन्स्टेलेशन (NavIC) ही एक स्वदेशी उपग्रह नेव्हिगेशन प्रणाली.
कॉम्बॅट पॅराशूट सिस्टीम संरक्षण संशोधन आनी विकास संघटना (DRDO) वरवीं विकसीत केल्या आनी DRDOच्या दोन चाचणी प्रयोगशाळांनी संयुक्तपणान विकसीत केल्या: द एरियल डिलिव्हरी रिसर्च अँड डेव्हलपमेंट एस्टॅब्लिशमेंट, आग्रा आनी द डिफेन्स बायोइंजिनिअरिंग अँड इलेक्ट्रोमेडिकल लॅबोरेटरी, बंगळुरू.
मिलिटरी कॉम्बॅट पॅराशूट सिस्टिमाचें खाशेलपण
डिझायन: राम-एअर (आयताकृती पाखें), म्हणजे नियंत्रित आनी दिशा बदलपी पॅराशूट. वापरा: उडट्या विमानांतल्यान हुडकी मारपाक मेळटा.
उंचायेची तांक: 32,000 फूट भाराची तांक: 150 किलो (सैनिक + किट)
सुरक्षा विशिश्टां:
नेव्हिगेशन सिस्टीम: GPS/NAVIC आदारीत, म्हळ्यारूच योग्य सुवातेर लँडिंग शक्य आसा. ऑक्सिजन प्रणाली: उंचायेर उण्या ऑक्सिजना खातीर श्वसन प्रणालीन सुसज्ज. दिस/रात दोनूय गजालीं खातीर उपेगी: नायट व्हिजन हेडगियरान सुसज्ज.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
