भांगरभूंय | प्रतिनिधी
नवी दिल्ली, खबरां संस्था ः संसदेचें अर्थसंकल्पीय अधिवेशन 31 जानेवारी ते 4 एप्रील मेरेन चलतलें. अर्थमंत्री निर्मला सीतारमण 1 फेब्रुवारीक सेगीत आठवें अर्थसंकल्प सादर करतली. परंपरे प्रमाण 31 जानेवारीक राष्ट्रपती द्रौपदी मुर्मू हांचें लोकसभा आनी राज्यसभेच्या संयुक्त बसकेंक संबोधित करुन अधिवेशनाक सुरवात सुरू जातली. उपरांत अर्थीक सर्वेक्षण सादर करतले.
अर्थसंकल्पीय अधिवेशन दोन टप्प्यांनी जातलें. पयल्या टप्प्यांत 31 जानेवारी ते 13 फेब्रुवारी मेरेन वट्ट 9 बसका जातल्यो. हाचे उपरांत संसद स्थगीत करतले, जाका लागून अर्थसंकल्पीय प्रस्तावांचो नियाळ घेवंक मेळटलो. अधिवेशनाचो दुसरो टप्पो 10 मार्चा सावन सुरू जातलो. तांतूत वेगवेगळ्या मंत्रालयांच्या अनुदान मागणीचेर चर्चा जातली आनी अर्थसंकल्पीय प्रक्रिया पुराय जातली. 4 एप्रीलाक अधिवेशन सोंपतलें. पुराय अर्थसंकल्पीय अधिवेशनांत वट्ट 27 बसका जातल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
