भांगरभूंय | प्रतिनिधी
अल्लू अर्जून सध्या ‘पुष्पा- 2’ चित्रपटाचे शुटींगेंत व्यस्त आसा. बॉलिवूड अभिनेत्री उर्वशी रौतेला ह्या चित्रपटांत आयटम नंबर करतना दिसतली, अशी चर्चा चल्ल्या. एके खबरे प्रमाण उर्वशीन ह्या 3 मिण्टांच्या आयटम नंबरा खातीर 2 ते 3 कोटी रुपया घेतल्यात. ‘पुष्पा- 2’ फुडल्या वर्सा रिलीज जातलो. ताचें बजेट सुमार 350 कोटी रुपया आशिल्ल्याचें उलयतात.
एका दिसाळ्यान दिल्ले खबरे प्रमाण, उर्वशीन हे आदीं चिरंजिवीची मुख्य भुमिका आशिल्ल्या ‘वॉल्टर विरैया’ ह्या तेलगू चित्रपटांत आयटन नंबर केल्लो. ह्या चित्रपटांतलें तिचें ‘बॉस पार्टी’ हें गीत खूब गाजिल्लें. ते उपरांत उर्वशीक ‘पुष्पा- 2’ चो प्रस्ताव आयलो. तिची लोकप्रियता पळोवन उर्वशीन लेगीत निर्मात्यां कडेन 2 ते 3 कोटी रुपयांची मागणी केली.
2021 त आयिल्ल्या ‘पुष्पा- 1’ ह्या चित्रपटांत सामंथान आयटम नंबर केल्लो. रिपोर्टा प्रमाण सामंथान ह्या 3 मिण्टांच्या गिता खातीर 5 कोटी रुपया घेतिल्ले. ‘ऊ अंटावा’ ह्या गितान वयलो पांवड्या वयलो दर्जो स्थापीत केला. आतां उर्वशीक दुसऱ्या भागांत आदलोच दर्जो सांबाळचो पडटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
