भांगरभूंय | प्रतिनिधी
भांगरभूंय । खेळां मेज
पणजीः दैवज्ञ ब्राम्हण समाजाची अखील गोंय दैवज्ञ ब्राम्हण दुसरी कॅरम सर्त गोंय कॅरम असोसिएशनाच्या पालवान आयतार 27 ऑगस्टाक कालकोंडा- मडगांव हांगच्या दैवज्ञ भवनांत आयोजीत केल्या.
ही सर्त चार विभागांत घेतले. 17 वर्सां पिराये मेरेनचे चले, 18 तें 49 वर्सा पिरायेच्या दादल्यां खातीर, 18 वर्सा आनी ताचे परस चड वर्सा पिरायेच्यो चलयो आनी 50 वर्सां परस चड वर्सां पिरायेच्या बायलां खातीर ही सर्त आसतली. सर्ती खातीर 18 वर्सां पिराये वयल्या सर्तकां खातीर 200 रुपये 17 वर्सा सकयल्ले पिरायेच्या सर्तका खातीर 100 रुपये आसतली. सर्ती खातीर नांव नोंदणी करपाची निमणी तारीख 25 ऑगस्ट आसा. प्रवेशिका फकत दैवज्ञ समाजा पुरत्यो मर्यादीत आसात. नोंदणी करपा खातीर विनीत (8805656789), ओंकार (7798899292) वा मयुरा (8605417444) हांचे कडेन संपर्क सादचो अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
