भांगरभूंय | प्रतिनिधी
भांगरभूंय । प्रतिनिधी
मडगांवः मडगांवांत फाटल्या साठ वर्सां सावंन कार्यरत आशिल्ली तशेंच शास्त्रीय संगीताचे शिक्षण दिवपी स्वरमंच- मडगांव संस्थे वतीन 60व्या वर्धापन दिसा निमतान 25 फेब्रुवारीक सांजे 5 वरांचेर मडगांव रवींद्र भवनाच्या परिशद सभाघरांत सर्गेत डॉ सोमनाथ प्रभुदेसाय हांचे यादस्तीक “गोमंत गंधर्व ” ही मराठी भावगीत गायन सर्त आयोजीत केल्या, अशी म्हायती स्वरमंचाचे सिद्धनाथ बुयांव, समीर प्रभुदेसाय, यतीन तळावलीकार आनी सुभाष प्रभुदेसाय हांणी दिली
हे सर्तीचें खाशेलेंपण म्हणल्यार मराठी भावसंगीतांतले मेलडी बादशाह म्हणून नामना आशिल्ले संगीतकार अशोक पत्की खासा हाजीर रावन जैतिवंतांक इनामां भेटयतले. मराठी सर्ती खातीर भावगीत भारतीय शास्त्रीय संगीताचेर आदारीत, भारतीय तालवाद्यांचो साज आशिल्ली वेंचून काडटले. सर्ती खातीर 14 तें 40 वर्सा पिरायेचे बायल आनी दादले सर्तक वांटो घेवपाक शकतले.
सर्ती खातीर 7 हजार, 5 हजार आनी 4 हजा रुयये अशी पयलीं तीन इनामां आसतली. 2 हजार रुपयांचें एक उमेद वाडोवपी इनाम आसतलें. इनाम भेटवण कार्यावळी पयलीं अशोक पत्की आपल्या अर्द वराचे कार्यावळींतल्यान सर्तकांक भाव, शब्द आनी गायतना शब्दोच्चार कशे आसपाक जाय हे विशीं मार्गदर्शन करतले. सर्तकांक संस्थे वतीन सांथसंगत उपलब्द करून दितले. सर्तीची पयली फेरी आयतार 4 फेब्रुवारीक सकाळीं 10 ते दनपारां 1 मरेन स्वरमंच, कोंब मडगांव हागा कोकोकोला डेपो लागीं संस्थेच्या वास्तूत जातली. चडावत म्हायती खातीर 9225901720 ह्या मोबायल नंबराचेर संपर्क सादचो अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
