भांगरभूंय | प्रतिनिधी
पणजीः पहलगाम कश्मीर जाल्ल्या आतंकवादी हल्ल्याच्या फाटभूंयेर 25 ते 27 एप्रिल मजगती जावपी काजू महोत्सव मुखार धुकल्लां. महोत्सवाची नवी तारीख बेगीनूच जाहीर करतले, अशी म्हायती आयोजकांनी दिल्या.
काजू फेस्टची तिसरी आवृत्ती 25, 26 आनी 27 एप्रिल हे तीन दीस पणजे दयानंद बांदोडकर मैदानाचेर गोंय रान उदरगत महामंडळ आयोजीत करपाक आशिल्ले. पूण आयज म्हामंडळान कळोवणी काडून हो महोत्सव फुडें धुकलिल्ल्याचें जाहीर केलां.
कळोवणेंत म्हणलां, पहलगाम आतंकवादी हल्ल्यांत निष्पाप लोकांक मरण आयिल्ल्यांक आदरांजली म्हूण 25, 26 आनी 27 एप्रिलाक आयोजीत केल्लो गोवा काजू फेस्ट मुखार धुकल्लां. ह्या महोत्सवाच्यो नवो तारख्यो बेगीनूच जाहीर करतले. मरण आयिल्ल्यांक आमी आर्गां ओंपतात आनी तांच्या कुटुंबा वांगडा ह्या दुखांच्या काळांत उबे रावतात, अशें म्हामंडळान जाहीर केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
