भांगरभूंय | प्रतिनिधी
नवी दिल्ली, खबरां संस्थाः केंद्र सरकारान शुक्रारा, 16 जानेवारीक 242 बेकायदेशीर बेटिंग आनी गॅम्बलिंग वेबसायट लिंक ब्लॉक केल्यात. हाका लागून आतां मेरेन सुमार 8 हजार बेकायदेशीर बेटिंग आनी गॅम्बलिंगच्यो वेबसायटी बंद जाल्यात. सरकारान दिल्ले म्हायती प्रमाण, ऑनलायन गेमींग कायद्याक मान्यताय मेळ्ळे उपरांत ही कारवाय केली.
सरकारी सूत्रांनी दिल्ले म्हायती प्रमाण, ही कारवाय युजर्स, खास करून तरणाट्यांची सुरक्षा आनी बेकायदेशीर ऑनलायन बेटिंग आनी गॅम्बलिंग प्लॅटफॉर्मांक लागून जावपी अर्थीक आनी समाजीक लुकसाण आडावपा खातीर केल्या. फाटल्या वर्सा ऑगस्टांत संसदेच्या दोनूय सभाघरांनी ऑनलायन गेमींग प्रमोशन आनी रेग्युलेशन विधेयक, 2025 हाका राष्ट्रपती राष्ट्रपती द्रौपदी मुर्मू हांणी मंजूरी दिल्ली. ताका लागून हो कायदो चालीक लायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
