भांगरभूंय | प्रतिनिधी
मुख्यमंत्री देवेंद्र फडणवीस हांची फोंड्यां जाहीर सभा
झूज सोंपोवपाक मध्यस्थी करपाक नरेंद्र मोदी सक्षम
2027 आनी उपरांतूय भाजपाचेंच सरकार
भांगरभूंय । प्रतिनिधी
फोंडें : भारताचें डबल इंजीन सरकारान गोंयांत गतीन उदरगत केल्या. संवसारांत चालू आशिल्ल्या झुजाक लागून अर्थ वेवस्थेंत बदल जाला. तरी लेगीत चालू आशिल्लें झूज थांबोवपा खातीर फकत प्रधानमंत्री नरेंद्र मोदी मध्यस्थी करपाक सक्षम आसा. तेच वांगडा प्रधानमंत्री नरेंद्र मोदी 2047 विकसीत भारत निर्माण तयार करपाचो यत्न करता. ताचे आदीं 2037 विकसीत गोंय करपाक गोंयचे मुख्यमंत्री डॉ. प्रमोद सावंत येसस्वी थारतले, अशें महाराष्ट्राचे मुख्यमंत्री देवेंद्र फडणवीस हांणी सांगलें.
फोंड्यां भाजप उमेदवार रितेश नायक हांच्या प्रचाराचे जाहीर सभेंत मुख्यमंत्री फडणवीस उलयताले. ह्या वेळार केंद्रीय मंत्री श्रीपाद नायक, मुख्यमंत्री प्रमोद सावंत, वीज मंत्री सुदिन ढवळीकार, उदकास्रोत खात्याचे मंत्री सुभाष शिरोडकार, बांदकाम मंत्री दिगंबर कामत, आमदार गोविंद गावडे, आमदार मायकल लोबो, भाजप प्रदेशाध्यक्ष दामू नायक, मगो पक्षाचे अध्यक्ष दीपक ढवळीकार, खासदार सदानंद तनावडे, आदले खासदार नरेंद्र सावयकार, आदले खासदार विनय तेंडुलकार, आदले आमदार सिद्धार्थ कुंकळकार, भाजप मंडळाचे अध्यक्ष हरीश नायक, नगराध्यक्ष वीरेंद्र ढवळीकार, जिल्हो पंचायत वांगडी प्रितेश नायक, कुट्टी पंचायतीचे सरपंच नावेद तेहसीदार, नगरसेवक विश्वनाथ दळवी, रॉय नायक, व्यंकटेश उर्फ दादा नायक, आनंद नायक आनी जिल्हो पंचायत वांगडी प्रितेश गांवकार आनी हेर मानेस्त हाजीर आशिल्ले.
मुख्यमंत्री फडणवीस हांणी सांगलें, भाजप सरकार राज्य शिक्षणीक हब तयार करून आधुनीक पद्दतीची वेवस्था निर्माण करपाच्या यत्नांत आसा. फोंडें मतदारसंघांत जावपी पोटवेंचणुकेंत भाजप उमेदवार रितेश नायक हांकां जैतवंत करून मतदार सर्गेस्त रवी नायक हांची परंपरा तिगोवन दवरपाक मजत करतले. गोंयांत 2027 मेरेन आनी ते उपरांत भाजप- मगो पक्षाचें युती सरकार अस्तित्वांत उरतले, अशें तांणी सांगलें.
मुख्यमंत्री प्रमोद सावंत हांणी डबल इंजीन सरकार लोकांच्या हिताचें निर्णय घेता. गोंयांत गरजेचो आशिल्लो आयआयटी प्रकल्प फर्मागुडी वाठारांत सुरू करतलो. तेच वांगडा गोंयांतल्या बायलां खातीर सुरू केल्ल्या गृहआधार येवजणेच्या निधींतल्यान बेगिनूच वाड करतले. पोटवेंचणुकेंत रितेश नायक हांचें जैत निश्चीत आसा. तांकां व्हड आघाडी मेळोवन दिवचे खातीर व्हड संख्येन मतदान करचें, अशें फडणवीस हांणी मागलें.
मंत्री सुदिन ढवळीकार हांणी सांगलें, ही पोटवेंचणूक भावनीक आसा. सर्गेस्त रवी नायक भायर पडिल्ल्यान ही पोटवेंचणूक जाता. पूण रितेश नायक हांकां विरोधाविणें निवड करचे खातीर हेर राजकी पक्षांनी आदार करपाची गरज आशिल्ली. व्यंकटेश उर्फ दादा नायक, मंत्री शिरोडकार, मंत्री कामत, आमदार गावडे, आमदार लोबो, प्रदेशाध्यक्ष नायक आनी हेरांनी ह्या वेळार आपले विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
