भांगरभूंय | प्रतिनिधी
पणजी : हांव फुडली म्हणल्यार 2027 ची विधानसभा वेंचणूक लडयतलों. खंयच्या पक्षाचेर वेंचणूक लडयतलों ते विशीं हांवें अजून निर्णय घेवंक ना, मात हांव निश्चीतपणान वेंचणूक लडयतलों अशें आदले मुख्यमंत्री चर्चील आलेमांव हांणी सांगलें.
मुख्यमंत्री डॉ. प्रमोद सावंत हांणी मुख्यमंत्री म्हूण 6 वर्सांचो कार्यकाळ पुराय केलाे. हाका लागून चर्चील आलेमांव हांणी पर्वरे मंत्रालयांत भेट घेवन तांकां परबीं दिली. मुख्यमंत्री म्हूण 6 वर्सां पुराय करप ही व्हड कामगिरी आसा. हाका लागून भेट घेवन तांकां परबीं दिली अशें चर्चील आलेमांव हांणी सांगलें.
हांव बाणावली तशेंच नावेली मतदारसंघांतल्यान वेंचून आयलां. खासदार म्हूण दक्षीण गोंया सावन दोन फावटी वेंचून आयलां. हांव सेगीत लोकांच्या संपर्कात आसा. हाका लागून वेंचणुकेक तयारी करपाची म्हाका गरज ना अशें चर्चील आलेमाव हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
