भांगरभूंय | प्रतिनिधी
नवी दिल्ली, खबरां संस्था ः नवे शिक्षणीक वर्स 2026-27 पसून दोन वर्सांचो M.Ed (Master of Education) अभ्यासक्रम आतां एका वर्सांचो जातलो. राष्ट्रीय शिक्षक शिक्षण परिषदेन (NCTE) हो निर्णय घेतला. एनसीटीईच्या निर्णया उपरांत बी.एड लेगीत एक वर्स जातलें अशें जाहीर जालें. हो निर्णय राष्ट्रीय शिक्षण धोरण 2020 खाला घेतला.
10 वर्सां उपरांत बी.एड अभ्यासक्रमांत बदल जाला. बी.एड अभ्यासक्रम 2014 मेरेन एक वर्साचो आशिल्लो, पूण आतां तो परतून सुरू जातलो. जाल्यार दोन वर्सांचो M.Ed अभ्यासक्रम 2026 वर्सा सावन एक वर्साचो जातलो.
कोण प्रवेश घेवंक शकता?
एनसीटीईचे अध्यक्ष पंकज अरोरान दिल्ले म्हायती प्रमाण एक वर्साचो बी.एड अभ्यासक्रम पुराय केल्ल्या उमेदवारांक, दोन वर्सांचो शिक्षक शिक्षण अभ्यासक्रम करपी उमेदवारांक आनी चार वर्सांचो एकत्रीत अभ्यासक्रम करपी उमेदवारांक एम.एड प्रवेश घेवंक मेळटा. M.Ed आतां एक वर्सांचो जातलो. खबरां प्रमाण एनसीटीई हे खातीर नवो अभ्यासक्रम तयार करता आनी हे खातीर संस्थां कडल्यान सुचोवण्यो मागल्यात.
हो अभ्यासक्रम 2026-27 वर्सा सावन सुरू जातलो. प्रवेश प्रक्रिया अजून थारावंक ना. सध्या चार वर्सांच्या एकत्रीत शिक्षक शिक्षण अभ्यासक्रमां खातीर प्रवेश परिक्षे वरवीं जाता. ही परिक्षा नॅशनल टेस्टिंग एजन्सी (NTA) वरवीं घेतात.
पदव्युत्तर पदवी आनी चार वर्सांचें एकत्रीत शिक्षक शिक्षण आशिल्ल्या उमेदवारांक एक वर्साच्या बी.एड अभ्यासक्रमांत प्रवेश घेवंक मेळटा. तशेंच एनसीटीईन एक वर्साच्या बी.एड अभ्यासक्रमाचो आराखडो तयार करपा खातीर समिती तयार केल्या. नव्या शिक्षणीक धोरणा प्रमाण नवो अभ्यासक्रम तयार करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.