भांगरभूंय | प्रतिनिधी
नवी दिल्ली, खबरां संस्था ः नॅशनल टेस्टिंग एजन्सी (NTA) हांणी संयुक्त प्रवेश परिक्षा (JEE) मेन 2025 चो पॅटर्न बदलला. पेपराच्या विभाग ब मदले पर्यायी प्रस्न काडून उडयल्यात. आतां फकत पांच प्रस्न दितले, ते सगळे सोडोवप सक्तीचें आसा. हाचे पयलीं 10 प्रस्न दिताले तातूंतले 5 प्रस्न सोडोवपाचे आसतालें. एनटीएन बिरेस्तारा (17 ऑक्टोबर) अधिकृत संकेतथळार ही अधिसुचोवणी जारी केल्या.
कोविड-19 महामारीच्या काळांत विद्यार्थ्यांवेलो दबाव उणो करपा खातीर परिक्षेंत पर्यायी प्रस्न सुरू केल्ल्याचें एनटीएन सांगलें. 2021 वर्सा ही पद्दत सुरू जाल्ली आनी 2024 मेरेन ती चल्ली. आतां फुडल्या वर्सा सावन ताचो पॅटर्न बदलतले.
विभाग ब च्या 3 पेपरांत बदल जाल्यार जेईई मेन 2025 च्या सेक्शनात B पेपर 1 (BE/B. Tech), पेपर 2A (B. Arch), आनी पेपर 2B (B. प्लॅनिंग) हातूंत दरेका विशयांत फकत पांच सक्तीचे प्रस्न आसतले. उमेदवाराक कसलोच पर्याय नासतना पांचूय प्रस्न सोडवपाचो यत्न करचो पडटलो.
आतां परिक्षेचो पॅटर्न कसो आसतलो?
अभियांत्रिकी अभ्यासक्रमांत प्रवेश मेळोवपा खातीर राष्ट्रीय पांवड्यावेली प्रवेश परिक्षा जेईई मेन्सांत तीन पेपर आसतले. तातूंत भौतिकशास्त्र, रसायनशास्त्र आनी गणित हांचो आस्पाव जाता. तीन वरांचे परिक्षेंत वट्ट 90 प्रस्न आसतले. दरेक एका वरांक 30-30 प्रस्न अशी पद्दत आसतली.
पेपर A हातूंत दरेका विशयांतले 20 मल्टीपल चॉयस प्रस्न (MCQ) आसतात, जाल्यार पेपर B 0 संख्यात्मक प्रस्न आसतात. आतां नव्या पॅटर्ना प्रमाण विभाग ब हांतूत 10 ते 5 प्रस्नां मेरेन उणे करतले आनी सगळे प्रस्न सोडवप सक्तीचे आसतले.
पॅटर्नांत बदल केल्ल्यान कटऑफ उणो जातलो. जेईई मेन प्रवेश परिक्षेच्या पेपरांत आतां कसलोच पर्याय नाशिल्ल्यान उमेदवारांक गूण मेळोवप पयलीं परस चड कठीण जातले. हाका लागून पात्रताय कटऑफ उणे जातले हें निश्चीत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
