भांगरभूंय | प्रतिनिधी
नवी दिल्ली, खबरां संस्था ः 2024 वर्सां गाडयांची विक्री वाडली. फेडरेशन ऑफ ऑटोमोबायल डिलर्स असोसिएशनाच्या (FADA) अहवाला प्रमाण फाटल्या वर्सा सगळ्या गाडयांची वट्ट विक्री 9 टक्क्यांनी वाडून 2,61,07,679 युनिटाचेर पवाली. 2023 वर्सा हो आंकडो 2,39,28,293 युनिटां परस चड आशिल्लो. दुचाकी आनी प्रवासी गाडयांची मागणी वाडिल्ल्यान ही वाड जाल्या.
दोन चाकी गाडयांची विक्री 11 टक्क्यांनी वाडून 1,89,12,959 युनिट जाल्या. 2023 वर्सा हो आंकडो 1,70,72,932 युनिट आशिल्लो. नव्या मॉडेलाक लागून आनी गांवगिऱ्या वाठारांनी मागणी वाडिल्ल्यान ही विक्री वाडल्या.
कार आनी दुचाकींच्या वाहनांच्या विक्रीतूय वाड…
एसयूव्हीची विक्री फाटल्या वर्सा 5 टक्क्यांनी वाडून 40,73,843 युनिट्साचेर पावली. 2023 वर्सा हो आंकडो 38,73,381 युनिट आशिल्लो. तशेंच तीन चाकी गाडयांची विक्री वर्सभरांत 11 टक्क्यांनी वाडून 12,21,909 युनिट जाली. 2023 वर्सा हो आंकडो 11,05,942 युनिट आशिल्लो. ट्रॅक्टरांची विक्री 3 टक्क्यांनी वाडून 8,94,112 युनिट जाली, जाल्यार वेवसायिक गाडयांची विक्री 10,04,856 युनिट जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
