भांगरभूंय | प्रतिनिधी
फोंडें: फोंडें येरादारी पुलिसांनी 2023 त वट्ट 6380 जाणांची गाडी चलोवपाचीं लायसनां येरादारी नेम पाळूंक नाशिल्ल्यान निलंबीत करचे खातीर येरादारी खात्या कडेन धाडल्यांत. तशेंच येरादारी पुलिसांनी सोऱ्याचे घुंवळेंत गाडी चलयिल्ले खातीर 201 चालकां आड गुन्यांव नोंद केल्यात. अंदू लेगीत येरादारी नेम मोडप्यां आड नेटान कारवाय चालू आसा.
फोंडें येरादारी पुलिसांनी 2023 त ओव्हरस्पीडी खातीर 3265, हॅल्मेट घालूंक नाशिल्ल्यान 2514, घातक तरेन पार्कींग 6515, काळे हारशे 4733, लायसन नाशिल्ल्यान 52 आनी हेर येरादारी नेम मोडपी वाहन चालका आड दंडात्मक कारवाय केली. तशेंच येरादारी पुलिसांनी 255 सुवातांचेर वचून वाहन चालकां मदीं जागृताय करचे खातीर खास मार्गदर्शन केलें. तातूंत हायस्कूल, उच्च माध्यमीक हायस्कूल, कंपनीचे कामगार, वाहन चालक, मोटारसायकल पायलट आनी हेर जाणां मदीं जागृताय केली. येरादारी पुलीस निरिक्षक कृष्णा सिनारी हांणी 2023 त वट्ट 45,948 वाहन चालकां आड कारवाय करून 2,70,05,000 रुपयांचो महसूल सरकारी तिजोरेंत जमा केला. तशेंच अदीक प्रमाणांत चावकांचे परवाने निलंबीत करचे खातीर विवीध येरादारी खात्यांत धाडल्यात अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
