भांगरभूंय | प्रतिनिधी
पणजीः गोंयांत 18 आनी 19 जूनाक कांय वाठारांनी मध्यम ते उटंगराच्या पावसाची शक्यताय आसा. ते खातीर हवामान खात्या वतीन ह्या दोन दिसां खातीर पावसाचो यलो अलर्ट जारी केला. गोंयांत फाटल्या 24 वरांत सरासरी 14.5 मिमि पावसाची नोंद जाल्या. शेनवारा पणजे सयत दीसभर वत- पावसाचो खेळ चलिल्लो.
हवामान खात्यान दिल्ले म्हायती प्रमाण फाटल्या 24 वरांत काणकोणां 26.2 मिमि, पणजे 21.2 मिमि, केप्यां 20 मिमि, सांग्यार 19.9 मिमि, दाबोळे 18.1 मिमि जाल्यार वाळपय 17.4 मिमि पावसाची नोंद जाली.
शेनवारा पणजे चडांत चड 31 अंश जाल्यार उण्यांत उणें 24.5 अंश सेल्सियल तापमानाची नोंद जाली. मुरगांवां चडांत चड 30.8 आनी उण्यांत उणें 23.8 अंश सेल्सियस तापमान आशिल्लें. फुडले पांच दीस गोंयांतले चडांत चड तापमान 28 ते 31 अंश जाल्यार उण्यांत उणें 23 ते 25 अंश सेल्सियस मजगतीं आसपाची शक्यताय हवामान खात्यान उक्तायल्या.
गोंयांत 1 ते 15 जूना मेरेन सरासरी 15.94 इंच पावसाची नोंद जाल्या. ह्या काळांत सादारणपणान 14.23 इंच पावसाची नोंद जाता. अंदूं पावसाचें प्रमाण 12 टक्क्यांनी चड आसा. 1 ते 15 जून मेरेन म़डगांवां सगळ्यांत चड 21.37 अंच पावसाची नोंद जाल्या. ते उपरांत केप्यां 18.67 इंच, काणकोणां 18.88 इंच, मुरगांवां 18.02 इंच, दाबोळे 17.77 इंच, पणजे 17.64 इंच, सांग्यार 17.11 जाल्यार सांखळे 16.11 इंच पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
