भांगरभूंय | प्रतिनिधी
भांगरभूंय । प्रतिनिधी
दिवचलः पुराय गोंयांत फामाद आशिल्लो दिवचलचो नवो सोमार उत्सव श्री देवी शांतादुर्गा देवस्थान बाजारकार धा जाण आऩी नवो सोमार उत्सव समिती वतीन 18 डिसेंबराक जातलो. त्या निमतान धर्मीक, सांस्कृतीक कार्यावळी आनी नामनेच्या गायकांच्या गायनाच्यो मैफिली आयोजीत केल्यात अशी म्हायती धा जाण मंडळाचो अध्यक्ष प्रशांत हिंदे, सचीव राजन कडकडे, नरेश कडकडे, रामानंद नाटेकार हांणी पत्रकार परिशदेंत दिली.
18 डिसेंबराक आतील पेठ हांगच्या शांतादुर्गा देवळातं सकाळ सावन धर्मीक विधींक सुरवात जातली. उपरांत लघुरुद्र आनी म्हाप्रसाद जातलो. सांजे 7 वरांचेर देवीची पालखी मठ मंदिरांतल्यान भायर सरतली. लक्ष्मीनारायण मंदिरा कडेन खासा उबारल्ल्या माटवांत ती रावतली. थंय थळाव्या कलाकारांची भजनाची कार्यावळ जातली. रातयां 10 वरांचेर पालखी मिरवणूक आतील पेठ, सोनार पेठ, भायली पेठ, बोर्डे वडा कल्यान वचून दुसऱ्या दिसा मंगळारा आतील पेठ मार्गान मठ मंदिरांत येतली.
सोमाराक रातीं 10 वरांचेर आतील पेठ मठ मंदिरांत गायनाची पयली बसका जातली. भाग्येश मराठे आनी श्रृती मराठे (मुंबय) हांचे गायन जातलें. तांका प्रवण गुरव, वरद सोहनी साथ संगत करतले. दुसरी बसका रातीं 11 वरांचेर गुरू फंड ट्रस्ट, भायली पेठ हांगा जातली. थळावे कलाकार अन्सिका नायक, गणेश मेस्त्री (सारेगामा फेम) हांचें गायन जातलें. चांगदेव नायक, ओंमप्रकाश गांवस, विराज गांवस, सुरेश घाडी तांकां साथ संगत करतले. संजय सालेलकार सूत्रनिवेदन करतलो.
नवो सोमार उत्सवाक भाविकांनी व्हडा संख्येन हाजीर रावचें अशे आवाहन बाजारकार धा जाण मंडळा केलां. पत्रकार परिशदेक राहुल कवळेकार, प्रतीक कारापूरकार, दिनेश कारापूरकार, गणेश आळवी, प्रशांत कवळेकार, राजू आळवी, संजय देसाय, प्रसाद नाटेकार हे पदाधिकारी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
