भांगरभूंय | प्रतिनिधी
भांगरभूंय । प्रतिनिधी
पणजी : उत्तर गोंय जिल्होधिकाऱ्यांनी 30 जानेवारीक भारतीय नागरिक सुरक्षा संहिते खाला 163 कलम लागू केल्ले आसून लेगीत भाजपा आड कारवाय कित्याक केली ना? असो प्रस्न करीत युवा काँग्रेसीन पणजी पुलिशेंत कागाळ नोंद केल्या. 163 कलम फकत चिंबल आंदोलकांक कित्याक, भाजप कार्यकर्त्यां आड कित्याक ना असो प्रस्न तांणी केलो.
युवा काँग्रेसीचे अध्यक्ष अर्चीत नायक, जनार्दन भंडारी आनी हेर कार्यकर्त्यांनी पणजी पुलिशेंत वचून कागाळ नोंद केली. 163 कलम पुराय पणजेत लागू केल्ले. घोशणा बाजी, जमाव बंदी आसून लेगीत भाजपा कार्यकर्त्यां आड कित्याक कारवाय जाली ना, असो प्रस्न तांणी कागाळींत केला. भाजप कार्यकर्त्यांनी तेच दिसा एकठांय येवन लावडस्पीकराचेर घोशणा दिल्यो. 163 कलमाचे हे उल्लंघन थारता. हाचे आड पुलिसांनी कसलीच कारवाय केली ना. 163 कलमाक लागून चिंबल थळाव्यांक मात सभा दुसरे सुवातीर घेवची पडली. हाकाय युवा काँग्रेसीन हरकत घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
