भांगरभूंय | प्रतिनिधी
मदुरै / चेन्नय : 16वर्सां सकयल्या भुरग्यांक सोशल मिडिया पसून पयस दवरपा खातीर ऑस्ट्रेलिये सारको कायदो करपाची शक्यताय केंद्र सरकारान तपासची, असो म्हत्वाचो सल्लो मद्रास उच्च न्यायालयाच्या मदुराय खंडपिठान दिला. हाचे वांगडाच असो कायदो जाय मेरेन भुरग्यां मेरेन चड प्रभावीपणान पावपी भौशीक जागृताय मोहीम चालीक लावपाचेय निर्देश न्यायालयान संबंदीत एजन्सींक दिल्यात.
न्यायमूर्ती जी. जयचंद्रन आनी के. के. रामकृष्णन हांच्या खंडपीठान सोशल मिडियाचेर भुरग्यांक सहज उपलब्ध जावपी अश्लील (पोर्नोग्राफिक) मजकुरा विशीं दाखल जनहित याचिकेचो निकाल लायतना हीं निरीक्षणां नोंद केलीं.
ऑस्ट्रेलियेचो कायदो आदर्श थारपाक शकता
न्यायालयान नमूद केलें, 10 डिसेंबराक ऑस्ट्रेलियान 16 वर्सां पिराये सकयल्या भुरग्यां खातीर सोशल मिडियाचेर बंदी घालपी कायदो मंजूर केला. हाका लागून हें संवसारांतलें पयलें राष्ट्र थारलां. ह्या निर्णयाक पालक, बालहक्क कार्यकर्ते आनी शिक्षणतज्ज्ञांनी येवकार दिला.
पालक नियंत्रण म्हत्वाचें
ह्या प्रकरणांतले याचिकाकर्ते एस. विजयकुमार हांणी, भुरग्यांक इंटरनेटावेल्यान मेळपी अश्लील आनी आक्षेपार्ह्य व्हिडियोंक लागून जावपी मानसीक आनी समाजीक वायट परिणामां कडेन लक्ष ओडलें.
तांणी असो युक्तीवाद केलो
ह्या उपयांक लागून भुरग्यां मेरेन पावपी घातकी गजालीचेर व्हडा प्रमाणांत नियंत्रण दवरपाक शकता.
केंद्र सरकाराक विचार करपाचो मारलो उलो
न्यायालयान केंद्र सरकाराक स्पश्टपणान निर्देश दिले, ऑस्ट्रेलियांतल्या कायद्याचो अभ्यास करून भारतांत तसोच वा परिस्थिती प्रमाण कायदो करपाक मेळटलो, हाचेर खर विचार करचो.
तोमेरेन, सगल्या उपलब्ध माध्यमांचो वापर करून विशेश म्हळ्यार संवेदनशील पिरायेच्या भुरग्यां मेरेन जनजागृती पावोवची, अशेय आदेश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
