भांगरभूंय | प्रतिनिधी
म्हापशेंः कांदोळी हांगच्या एका तारांकीत हॉटेलान दर्या देगेर भरती रेशेच्या 50 मीटरां भितर नो डेव्हलपमेंट विभागांत झाडां मारून आनी रेवेंची तेंबा पुरोवन बेकायदेशीर बांदकाम चलयलां असो आरोप कळंगुटे मतदारसंघ फोरमान केला.
कळंगुटे पंचायत मंडळान बिरेस्तारा ह्या कामाची पळोवणी करून कळंगुटे पुलिसांक थंय काम करपी जेसीबी जप्त करपाक सांगलां.
सर्वे नंबर 114-1 हें बेकायदो काम चल्ला आनी ताचे आड फोरमान कागाळ केल्या. हे जमनीचे कुशीक आशिल्ल्या सर्वे नंबर 114-2त लेगीत काम चल्लां. ताचे आड लेगीत फोरमान कागाळ केल्या. कांदोळेचो सरपंच फेरमिनो फर्नांडीस, आदलो सरपंच ब्लेझ फर्नांडीस आनी पंचायत सचीव तपासणे वेळार हाजीर आशिल्लो.
बेकायदो काम करतात तांचे आड कारवाय करपाची मागणी फोरमाचो अध्यक्ष प्रेमानंद दिवकार हांणी कळंगुटेचो पुलीस निरीक्षका कडेन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
