भांगरभूंय | प्रतिनिधी
-हेर सात व्यक्ती आड लूक आवट नोटीस जारीपणजीः गोंय पुलीस अर्थीक गुन्यांव फांट्यान 130 कोटी रुपयांच्या गुंतवणूक घोटाळ्यांत दुबावीत मायरन रॉड्रिगीज हांचे आड गुन्यांव नोंद केला. ह्या प्रकरणांत ईओसीन मायरनाची पयली घरकान्न सुनीता रॉड्रिगीस, दुसरी घरकान्न दीपाली परब हांचे सयत इडिलीक गोंय गेटवेज आनी डेव्हलपमेंट प्रा. लिमिटेड कंपनीचे संचालक नोलन आंताव, जोआचिम रोसारिओ पिरेस, विजय जयल, नवनिक परेरा आनी सुशांत घोडगे ह्या सात व्यक्तीं आड लुकआउट जारी केला.
दुबावीत मायरन रॉड्रिगीस आनी हेरां आड 2023 वर्सा ईओसीन लोकांक चड कळंतर दिवपाचें हांयस दाखोवन फटवणूक केल्ले प्रकरणांत दोन गुन्यांव दाखल केल्यात. रॉड्रिगीस आनी ताची घरकान्न दीपाली परब हांकां दुबावीत केल्या. दोगांयनी गोंयांतल्या 38 जाणांक 25 कोटी रुपयांची फटवणूक केल्ल्याचो आरोप आसा. हे विशीं ईओसीन एक गुन्यांव नोंद करून चवकशी सुरू केल्या. इडिलीक गोंय गेटवेज कंपनींत रॉड्रिगीसान 3.25 कोटी रुपयांची गुंतवणूक केल्या अशें उक्तें जाला. ते प्रमाण कंपनीचे संचालक नोलन आंताव, जोआचिम रोसारिओ पिरेस, विजय जयल, नवनिक परेरा आनी सुशांत घोडगे हांकां दुबावीत म्हूण ईओसीन चवकशी केली. ह्या प्रकरणांतलो मुखेल दुबावीत मायरन रॉड्रिगीसा आड ‘रेड कॉर्नर’ नोटीस जारी केल्या, जो ही गुन्यांव नोंद जावचे पयलीं लंडनाक पळून गेल्लो. मजगतीं, मायरन आनी ताची पयली घरकान्न सुनीता रॉड्रिगीस, दुसरी घरकान्न दीपली परब हांचे आड मुंबय पुलीस हावसिंग बोर्ड पुलीस स्टेशनांत गुन्यांव दाखल केला. ते उपरांत मुंबय उच्च न्यायालयान तिणें दाखल केल्लो अटकपूर्व जामीन अर्ज न्हयकारला. उपरांत दीपली परब फरार जाल्या. देखून ईओसीन तिचे आड लुक आउट नोटीस जारी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
