भांगरभूंय | प्रतिनिधी
भांगरभूंय । प्रतिनिधी
फोंडेंः फोंड्याच्या राजीव गांधी कला मंदिरा वतीन 1 नोव्हेंबर तें 3 डिसेंबर मजगतीं रवींद्र लक्ष्मण नायक यादस्तीक 4थी अखील गोंय पांवड्या वयली इतिहासीक नाटक सर्त आयोजीत केल्या. 29 सप्टेंबर ही सर्तींत वांटो घेवपाची निमाणी तारीक आसा. 8 सप्टेंबराच्या राजीव गांधी कला मंदिराच्या कार्यालयांत प्रवेशिका मंळटल्यो. कला मंदिराची वांगडी सचीव स्वाती दळवी हिणे एके पत्रकार परिशदेंत ही म्हायती दिली.
सर्तीचो ड्रॉ 29 सप्टेंबराक सांजे 4.30 वरांचेर सर्तींत वांटो घेतिल्ल्या नाट्य संस्थाच्या प्रतिनिधींचे उपस्थितींत चिटयो घालून काडटले. संस्थांनी आपल्या प्रतिनिधींक उपस्थीत रावपाचें पत्र दिवंन धाडपाची गरज आसा. सर्तींत वांटो घेवपाचें निश्चीत जाल्या उपरांत संस्थाक प्रवेशिका फाटल्यान घेवपाक मेळच्यो नात. सर्तींत वांटो घेवपाक इत्सूक आशिल्ल्याा संस्थांनी 8 सप्टेंबर वा ताचे पयलीं आपल्या प्रवेशिका कला मंदिरांत धाडच्यो अशें आवाहन स्वाती दळवी हिणे मागलां.
सर्तीं खातीर 60 हजार रुपयाचें पयलें, 50 हजार रुपयाचें दुसरें आनी 40 हजार रुपयाचें तिसरें इनाम आसतले. 30 हजार, 25 हजार आनी 20 हजारांची तीन उमेद वाडोवपी इनामां आसतली. सर्तींत वांटो घेवपी संस्थाक दरेकी 500 रुपयाचें उर्बा वाडोवपी इनामां दितले. सर्तींत वैयक्कीक इनाना लेगीत दितले.
राजीव कला मंदिराच्या अखील गो बायल संगीत नाटक सर्त 6 डिसेबर तें 26 डिसेंबर मजगतीं घेतले. तशेंच 15वी अखील गोंय बायल फुगडी सर्त 1 तें 15 जानेवारी 2024 मजगतीं घेतले अशे दळवी हिणे सांगलें. पत्रकार परिशदेक श्रीकांत गावडे आनी सुनील केरकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
