भांगरभूंय | प्रतिनिधी
मडगांव ः दक्षीण गोंयांत 1 जूनाक लायट आसची ना. हाका लागून साळावलेची उदका पुरवण बंद आसतली जाल्यार 2 जूनाक ती मर्यादीत आसतली. सांगें, केपें, साश्टी, मुरगांव तालुक्यां सयत शिरोडें आनी सांतआंद्रे मतदारसंघांतल्या कांय वाठारांचेर हाचो परिणाम जातलो. वीज लायनीच्या देखरेखीच्या कामाक लागून 1 जून सकाळीं 7 ते दनपारां 3 मेरेन वीज पुरवण आसची ना.
शेल्डे आनी कुंकळ्ळीच्या वीज उपकेंद्र आनी 220 केव्ही आंतरराज्य आनी राज्या भितरल्या वीज लायनीच्या देखरेखीच्या कामाक लागून वीज पुरवण बंद आसतली. देखून ह्या काळांत काणकोणां, साश्टी, सांग्यार, केपें तालुक्या सयत धारबांदोड्यां तालुक्याच्या किर्लपाल- दाबळ, शिगांव, कुळें, मोलें आनी फोंडें तालुक्याच्या पंचवाडी पंचायत वाठारांत वीज पुरवण बंद आसतली.
वर्सुकी देखरेखीचें काम करपा खातीर वीज खात्यान शटडावन जाहीर केलां. देखून साळावली उदका पुरवण प्रकल्पांत लायट आसची ना, म्हूण उदका पुरवण बंद आसतली. गिरायकांनी हाची दखल घेवची असो उलो केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
