भांगरभूंय | प्रतिनिधी
नवी दिल्ली, खबरां संस्था ः भारतान संरक्षण क्षेत्रा खातीर खूब म्हत्वाचो निर्णय घेतला. केंद्रीय सुरक्षा समितीन सुमार 7 हजार कोटी रुपयांची ॲडव्हान्सड टॉड आर्टिलरी गन सिस्टीम (Advanced Towed Artillery Gun System (ATAGS)) घेवपाक मान्यताय दिल्या. ही आर्टिलरी गन सिस्टीम म्हळ्यार भारता खातीर आत्मनिर्भरताये कडेन व्हड पावल. एटीएजीएस ही पयली स्वदेशी डिझायन, विकसीत आनी तयार केल्ली 155 मिली मीटराची गन आसा. हे गनीत नवें तंत्रगिन्यान आनी सगळ्यांत बरी घातकताय आसा. हाका लागून भारतीय सैन्याक बळगें मेळटलें.
एटीएजीएस गन सिस्टिमाची 52कॅलिबराची लांब बॅरल आसा. तशेंच ती 40 किलोमीटर मेरेन फायरिंग रेंज कव्हर करता. संरक्षण अनुसंधान आनी उदरगत संघटना (DRDO) आनी भारतीय खाजगी भागीदारांच्या सहकार्यान एटीएजीएस तयार केला. हांतूतली 65 टक्क्यां परस चड वस्तू देशी आसात.
स्वदेशी आशिल्ल्यान संरक्षण तंत्रगिन्यानांत भारताची आत्मनिर्भरताय घटमूट जावंक शकता. तेच बरोबर परकी अवलंबन उणें करपाकय तें खूब निर्णायक थारूंक शकता. एटीएजीएसचो आनीक एक म्हत्वाचो मुद्दो म्हळ्यार ताच्या म्हत्वाच्या उपप्रणालींची रचना आनी सोर्सिंग जशें नेव्हिगेशन प्रणाली, थूथन वेग रडार आनी सेन्सर्स सारक्या देशी आसात, जाका लागून भारताचें परकी तंत्रगिन्यान आनी आयात हांचेर आदारून रावप खूब उणें जावं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
