भांगरभूंय | प्रतिनिधी
पणजी : भारतीय हवामान खात्यान दक्षीण आनी पश्चीम भारतांत ६ नोव्हेंबर ते फुडले कांय दीस गडगड, विजेच्या लकलका सयत वादळी पावस पडपाची शक्यताय उक्तायल्या.
गोंयां सयत कर्नाटक, महाराष्ट्र, तामीळनाडू, आंध्रप्रदेश ह्या राज्यांत ताचो चड प्रभाव उरतलो. हवामान खात्याच्या अंदाजा प्रमाण ५ ते १० नोव्हेंबर मेरेन कांय सुवातांचेर ही स्थिती उरतली.
कोकण आनी गोंयांत ६ नोव्हेंबराक कांय सुवातांचेर विजेचा लकलक आनी गडगडा सयत पावस पडपाची शक्यताय उक्तायल्या. अंदमान दर्या आनी बंगाल उपसागरांतल्या पुर्व मध्यवर्ती भागांतल्यान ताशें ३५ ते ४५ किमी वेगान वारें व्हावपाची शक्यताय उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
