भांगरभूंय | प्रतिनिधी
पणजी: कला अकादमीची ४९ वी कोंकणी नाट्यसर्त १८ फेब्रुवारी सावन सुरू जाता. अंदूंचे सर्तींत वट्ट २१ नाट्यसंस्थांनी वांटो घेतला. ही सर्त फोंडेंच्या येथील राजीव गांधी कला मंदिरांत सद्दां सांजेवेळार ७ वरांचेर सुरु जातली. २० मार्च मेरेन ती चलतली.
सर्तीचे नियोजीत कार्यावळी प्रमाण, १८ फेब्रुवारीक गुरुरंग, पिजगाळ प्रियोळ- फोंडे हे संस्थेचें वैभव कवळेकार हांणी बरयिल्लें ‘भोगपर्व’ ह्या नाटकाच्या सादरीकरणान सर्तीक सुरवात जातली. शिवप्रणव दामोदर अळवणी हांणी बररिल्ल्या ‘फुक्या सवाय’ हें नाटक २० फेब्रुवारीक श्रीसांतेरी कलामंच सत्तरी, संस्था सादर करतली. २१ फेब्रुवारीक ब्रह्मदेव युवक संघ, ब्रहमकरमळी, नगरगांव ही संस्था संजीव रामकृष्ण बर्वे हांणी बरयिल्ली ‘आमची येसाय’ ह्या नाटकाचो प्रयोग सादर करतली. २३ फेब्रुवारीक अतुल साळवी हांणी बरयिल्लें आनी अविनाश नायक हांणी अणकार केल्लें ‘राकस’ ह्या नाटकाचो प्रयोग वेदांत एंटटेनमेंट, वाळपय ही संस्था सादर करतली.
२४ फेब्रुवारीक डॉ. प्रकाश रमाकांत वझरीकार हांणी बरयिल्लें ‘घट्टाण…..कोणाचें ?’ या नाटकाचो प्रयोग द हावसिंग बोर्ड कॉलनी रेसिडेन्स असोसिएशन- सांखळे ही संस्था सादर करतली. २५ फेब्रुवारीक तुळशीदास धोणशीकार हांणी बरयिल्लें ‘उठ गा देवा’ ह्या नाटकाचो प्रयोग गौरी तनय कला संघ, धोणशी, नागेशी- फोंडें ही संस्था सादर करतली. महेश एलकुंचवार हांणी बरयिल्लें आनी वैभव कवळेंकार हांणी अनुवादीत केल्लें ‘वासनाकांड’ हें नाटक २७ फेब्रुवारीक युथ आर्ट गबरु, कुडचडें ही संस्था सादर करतली.
१ मार्चाक रुद्रेश्वर पणजी ही संस्था अश्वेक देसाय हांणी बरयिल्लें ‘बॉ फेस्त’ हें नाटक सादर करतली. २ मार्चाक भरत नायक हांणी बरयिल्लें ‘युगान्त’ ह्या नाटकाचो प्रयोग श्री ओम साई दामोदर सांस्कृतीक संस्था, नवेवाडे – वास्को ही संस्था सादर करतली. जाल्यार ३ मार्चाक श्री नागेश महालक्ष्मी प्रासादीक नाटयसमाज, बांदिवडे- फोंडें हे संस्थेचे मुकेश थळी हांणी बरयिल्लें ‘फायनल ड्राफ्ट’ हें नाटक सादर जातलें. ४ मार्चाक रतीन रायकार/ नारायण खराडे हांणी बरयिल्लें ‘गोल’ हें नाटक श्री शिव चिदंबर सांस्कृतीक आनी कला मंडळ, कुडणें- सांखळे ही संस्था सादर करतली. ५ मार्चाक वसंत कामत हांणी बरयिल्लें आनी रविंद्र आमोणकार हांणी अनुवादीत केल्लें ‘हॅप्स् अप्’ हें नाटक कण्व क्रियेशन, श्रीस्थळ – काणकोण ही संस्था सादर करतली. ६ मार्चाक पहाट, गांवडोंगरी – काणकोण ही संस्था प्रशान्त दळवी हांणी बरयिल्लें आनी सारंग प्रभू अग्रासनी हांणी अनुवादीत केल्लें ‘अनकन्डीशनल लव्ह’ ह्या नाटकाचो प्रयोग जातलो.
श्री देवी भगवती स्पोर्ट्स अॅण्ड कल्चरल मंडळ, पेडणें ही संस्था अविनाश च्यारी हांणी बरयिल्लें ‘आमचां कुळ’ हें नाटक ७ मार्चाक सादर जातलें. १० मार्चाक अभय थिएटर अकादमी – गोंय पाळी, सुर्ला-सांखळे हे संस्थे वतीन रत्नाकर मतकरी हांणी बरयिल्लें आनी मिलिंद बर्वे हांणी अनुवादीत केल्लें ‘ज्युरर्स’ हें नाटक सादर जातलें.
११ मार्चाक दारियो फो हांणी बरयिल्लें आनी वसंत भगवंत सावंत हांणी अनुवादीत केल्लें ‘बे-रंगारी’ ह्या नाटकाचो प्रयोग राजहंस क्लब, पणजी – गोंय ही संस्था सादर करतली. मुष्टिफंड संस्था, पणजी ही पुंडलीक नारायण नायक हांणी बरयिल्लें ‘सुरींग’ हें नाटक १२ मार्चाक सादर करतली. १७ मार्चाक हेन्रिक इबसन हांणी बरयिल्लें आनी ओलिव्हिन्यु गोमिश् हांणी अनुवादीत केल्लें ‘लांवां-भुतां’ हें नाटक ॐ कलासृष्टी, बांदोडा फोंडें ही संस्था सादर करतली. १८ मार्चाक अंत्रुज घुडयो, बांदोडें – फोंडें ही संस्था दत्ताराम कामत बांबोळकार हांणी बरयिल्लें ‘डॅडी’ हें नाटक सादर करतली. सत्यम शिवम सुंदरम नाट्य संपदा, भोमा-फोंडें ही संस्था वैभव कवळेकार हांणी बरयिल्लें ‘द इन्सिडियस’ हें नाटकता १९ मार्चाक जातलें. २० मार्चाक हे सर्तीचो समारोप कला अविष्कार, मासोर्डे, वाळपय – सत्तरीया संस्थेच्या डॉ. प्रकाश रमाकांत वझरीकार हांणी बरयिल्ल्या ‘साद अंतर मनाचो’ ह्या नाटकान जातलो.
सर्तींतले सगळे नाट्यप्रयोग दर दिसा सांजच्या ७ वरांचेर राजीव गांधी कला मंदिर – फोंडें हांगा जातले. रु. १००/- च्यो प्रवेशिका नाट्यप्रयोगाच्या जाग्यार तिकेट कावंटराचेर उपलब्ध आसतल्यो, अशी नोंद घेवची अशें कला अकादमीन कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
