भांगरभूंय | प्रतिनिधी
फोंडें: कर्नाटक राज्यांतल्यान बेकायदो कॉलीस गाडयेक येरादारी करपी ३०० किलो वजनाचें बीफ मोले चेकनाक्यार कुळें पुलिसांनी जप्त केलें. पुलिसांनी गाडी चाल गुडूसाब बेपारी (दत्तगड – बेतोडा) हाका अटक करून कॉलीस गाडी जप्त केली.
मीळिल्ले म्हायती प्रमाण बिरेस्तारा रातच्या सुमार १२.४५ वरांचेर कर्नाटकच्यान आयिल्ले जीए -०१- आर- ८८७६ कॉलीस गाडयेची तपासणी मोलें चेक नाक्यार केली. तेन्ना कुळें पुलिसांक ते गाडयेंत बेकायदो बीफ येरादारी करतना दिसलें. पुलिसांनी ती गाडी ताब्यांत घेतली. शुक्रारा सकाळीं पशुसंवर्धन खात्याचे डॉ. केतन चौगुले हांणी बीफाची तपासणी केली. बीफ सुमार ३०० किलो परस चड आशिल्ल्या गाडी चालकाक पुलिसांनी अटक केली.
पुलिसांनी दिल्ले म्हायती प्रमाण जप्त केल्ल्या बिफाची बेळगांवच्या फोंड्यां येरादारी केल्ली. कुळे पुलीस स्टेशनाचे निरीक्षक राघोबा कामत हांच्या मार्गदर्शनाखाला उपनिरीक्षक सदानंद देसाय हांणी घडणुकेचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
