भांगरभूंय | प्रतिनिधी
लोकसभेचे जागे ५४३ वयल्यान ८१६ जावं शकतात
नवी दिल्ली : २०२९ वर्साचे लोकसभा वेंचणुके पयलीं बायलां खातीर ३३ टक्के आरक्षण चालीक लावपाची तयारी केंद्र सरकार करता. हे खातीर संसदेच्या चालू अधिवेशनांत दोन विधेयकां येवपाक शकतात.
ह्या विधेयकांक लागून बायलांचें आरक्षण चालीक लावपा खातीर सध्याचे परिस्थितींत बदल जातले. हाका लागून लोकसभेंत वांगड्यांची संख्या ५४३ वयल्यान ८१६ मेरेन वाडूं येता, जाल्यार बायलां खासदारांक राखून दवरिल्ल्या सुवातांचो आंकडो २७३ जातलो. जातूंत अनुसुचीत जाती आनी अनुसुचीत जमाती वर्गांतल्या बायलांक तांच्या कोटांत आपलो वांटो मेळटलो. सध्या ओबीसी बायलां खातीर वेगळी तजवीज ना.
हे विशीं एकमत जावपा खातीर गृहमंत्री अमित शाह हांणी सोमारा एनडीए आनी बिगर कॉंग्रेसीच्या विरोधी पक्षांच्या फुडार्यां कडेन बसका घेतली. ह्या सप्तकांत तीं विधेयकां येवं शकतात.
खरें म्हणल्यार संविधानांत १०६ वी दुरुस्ती म्हूण २०२३ वर्सा बायलां आरक्षण कायदो संमत जालो. हाचे प्रमाण नव्या जनगणने उपरांत बायलांचें आरक्षण लागू जातलें. नव्या जनगणनेची वाट पळोवचे परस २०११ वर्साच्या जनगणनेच्या आंकडेवारीच्या आदाराचेर मर्यादा (पुनर्काचप) करची असो प्रस्ताव आतां सरकार मांडटा. हाका लागून ही प्रक्रिया वेळार पुराय करपाक मेळटली आनी आरक्षण चालीक लावपाक मेळटलें.
संविधान दुरुस्तीचोय आसपाव
ह्या बदला खातीर सरकार दोन विधेयकां हाडटलें. एक विधेयक नारी शक्ती वंदना कायद्यांत दुरुस्ती करतले, जाल्यार दुसर्या विधेयकांत परिसीमन कायद्यांत बदल घडोवन हाडटले. हें संमत करपा खातीर संसदेंत दोन तृतियांश भोवमत घेवचें पडटलें. हाका लागूनच सरकार विरोधकांचें फाटबळ मेळोवपाचो यत्न करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
