भांगरभूंय | प्रतिनिधी
पणजी : राज्य विधानसभेचें तीन दिसांचें अर्थसंकल्पीय अधिवेशन सोमारच्यान सुरू जालें. सोमारच्या सकाळच्या प्रश्न जापेच्या वराक विरोधी पक्ष फुडारी युरी आलेमाव हांणी विचारिल्ल्या प्रस्नाक मंत्री विश्वजीत राणे हांणी सांगलें,
फुडले विधानसभा वेंचणुकेंत राज्यांत परत भाजपाचेंच सरकार स्थापन जातलें वा सरकार घडोवपा खातीर तुमीच येयात, असो थोमणो मारलो.
युरी आलेमाव हांणी दक्षीण आनी उत्तर गोंय जिल्लो हॉस्पिटल तशेंच फोंडेंच्या उपजिल्लो इस्पितलांत दुयेतींचेर उपचारां खातीर गरजेच्यो साधन सुविधा नात. जाय तशे दोतोर नात. हाका लागून दुयेतींक ह्या तीन हॉस्पिटलांतल्यान बांबोळेच्या गोंय वैजकी महाविद्यालयांत हाडचें पडटा अशें तांणी स्पश्ट केलें.
हे विशीं उलयतना मंत्री राणे हांणी, युरी आलेमाव प्रत्येक फावटीं आपूण सत्तेंत आयले उपरांत सगळें सारकें करतलों, अशें सांगतात. मात आमी इतल्यान वयचे नात. सध्याच्या सरकारान अर्दे लोक तुमचेच आसात. फुडलें सरकारूय आमीच घडयतले. सरकार घडोवपाक तुमीय आमचे वांगडा येयात, अशें आवाहनूय मंत्र्यान तांकां केलें.
मजगतीं, मंत्री राणे हांच्या ह्या वक्तव्या लागून सत्ताधारी आनी विरोधी आमदारांच्या मुखामळार हांसो फुटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
