भांगरभूंय | प्रतिनिधी
नवी दिल्ली, खबरां संस्था: नॅशनल क्रायम रेकॉर्ड ब्युरोन (NCRB) एक आकडेवारी जाहीर केल्या. ते प्रमाण २०१७ ते २०२२ ह्या काळांत बंदखणींत बलात्काराचे २७० परस चड गुन्यांव जाल्यात. ह्या प्रकरणां खातीर कायद्याची अंमलबजावणी करपी यंत्रणेंतली संवेदनशीलताय आनी उत्तरदायित्वाच्या उणावाक बायलां हक्क कार्यकर्त्यांनी जापसालदार धरलां.
एनसीआरबीच्या म्हणण्या प्रमाण, बलात्काराच्या आरोपीं मदीं पुलीस कर्मचारी, लोकसेवक, सशस्त्र दळाचे वांगडी, बंदखण कर्मचारी, रिमांड होम कर्मचारी, अटक केल्ले सुवातेरचे लोक आनी हॉस्पिटलांतले हांचो आसपाव आसा.
आयपीसीच्या कलम ३७६ (२) अन्वये बंदखणींत बलात्कारांचे गुन्यांव नोंद करतात. हे पुलीस अधिकारी, जेलर वा बायलेचो कायदेशीर ताबो आशिल्ल्या हेर खंयचेय व्यक्तीन केल्ल्या बलात्काराच्या गुन्यांवां कडेन संबंदीत आसा. हो विभाग त्या प्रकरणां कडेन संबंदीत आसा. जंय गुन्यांवकार आपल्या पदाचो आनी अधिकाराचा फायदो घेवन बंदखणींत आशिल्ले बायलेचेर बलात्कार करता.
बंदखणीचे वेवस्थेक लागून बलात्काराच्यो संदी : पुनम
कस्टोडिअल वेवस्थेक लागून बंदखणींत बलात्कार करपाची संद मेळटा. जंय सरकारी कर्मचारी खुबशे फावट लैंगीक इत्सा पुराय करपा खातीर आपली शक्त वापरतात, अशें पॉप्युलेशन फाउंडेशन ऑफ इंडियाच्या कार्यकारी संचालक पुनम मुत्रेजा हांणी म्हणलें. अशीं जायतीं उदाहरणां आसा, जंय बायलांक तांच्या संरक्षणाक लागून वा तांचे असुरक्षीत स्थितीक लागून ताब्यांत घेतल्या. उपरांत तांकां लैंगीक हिंसाचाराक तोंड दिवचें पडटा, अशेंय तिणें फुडें म्हणलें.
बंदखणींतल्या बलात्कारांक कारण थारिल्ल्या घटकां मदीं पितृसत्ताक समाजीक नेम, कायद्याच्या अंमलबजावणी खातीर अपुराय लिंग-संवेदनशीलताय प्रशिक्षण आनी पिडेस्ताक दोश दिवप हाचो आसपाव आसता. ह्या बलात्कारां खातीर पिडेस्त केंद्रीत दृश्टिकोन, घटमूक कायदेशीर चौकट आनी संस्थात्मक सुधारणा गरजेच्यो, अशें मुत्रेजा हांणी सांगलें.
हे लोक अशें वातावरण तयार करतात जातूंत अशे गुन्यांव घडपाकूच शकनात. जायत्या प्रकरणांनी तांची कागाळ करिना वा ताचे कडेन आडनदर करता.
अशा प्रकरणांची मूळ कारणां आनी परिणामांक संबोधीत करपाक सरकारान कायद्यांत सुधारणा, कायद्याच्या अंमलबजावणी खातीर बरें प्रशिक्षण, समाजीक नेम बदलपा खातीर सामाज आनी वर्तन बदलपाक संवाद, उत्तरदायित्वा खातीर घटमूट वेवस्था हांचो आसपाव करपाक जाय.
ह्यो पुलीस स्टेशनांतल्यो सदच्यो घटणुको
Nguvu चेंजची फुडारी पल्लबी घोष हांणी NCRC डेटाचेर लक्ष दित कायद्याच्या अंमलबजावणींत दोशमुक्ती आनी पिडेस्ताक दोश दिवपाची संस्कृताय न्याय मेळपाक प्रतिबंध करता. पुलीस स्टेशनांतल्या बंदखणींनी बलात्कार जावप ही सामान्य घडणूक जावन आसा.
पुलीस स्टेशनांतल्यो कनिश्ठ पुलीस अधिकारी आनी बायलां कॉन्स्टेबल जे तरे पिडेस्त बायलां कडेन उलयतात, ताचे वयल्यान तांकां त्या पिडेस्तां विशीं कांयचो चुरको नाशिल्ल्याचें दिसता. पुलिसां मदीं संवेदनशीलताय आनी जागरुकताय वाडोवपा खातीर गरज आसा अशें मुत्रेजा हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
