भांगरभूंय | प्रतिनिधी
सप्टेंबर म्हयन्याचे सुरवातेकूच कांय नेम बदल्ल्यात. ह्या म्हयन्याचे सुरवातेकूच म्हणल्यार १ सप्टेंबर सावनूच कितें बदल जाल्यात हें जाणून घेवया.
१. म्हयन्याचे सुरवातेक तेल कंपन्यां वतीन दर जाहीर करतात. आयज १ सप्टेंबराक वेवसायीक गॅस सिलेंडराचें दर उणें जालां. दिल्ली कमर्शियल सिलेंडरची किंमत १,५८० रुपया इतकी जाल्या. ह्यान पयलीं ती १,६३१.५० रुपया आशिल्ली. म्हळ्यार ५१ रुपया उणे जाल्यात. मात घरगुती सिलेंडराचे किंमतीत कसलेच तरेचो बदल जावंक ना.
२. देशांत सगले रजिस्टर्ड पोस्ट आतां स्पीड पोस्टांतल्यान धाडटले. १ सप्टेंबर सावन रजिस्टर्ड पोस्ट सेवा बंद जाल्या.
३. इंडियन बँक आनी आयडीबीआय बँकेन सुरू केल्ल्या FD येवजण्यांनी गुंतवणुकी खातीरची ३० सप्टेंबर ही निमाणी तारीख आसा. इंडियन बँकेच्या ४४४ आनी ५५५ दिसांच्या FD तशेंच आयडीबीआय बँकेच्या ४४४,५५५ आनी ७०० दिसांच्या FD त गिरायकांक आजूनय गुंतवणुकीची संद आसा.
४. स्टेट बँक ऑफ इंडियान क्रेडिट कार्ड वापरा संबंदी नवे नेम लागू केल्यात. १ सप्टेंबर सावन कांय कार्डांचेर कार्डांचेर गेमिंग प्लॅटफॉर्म, वेपारी मर्चंटस आनी शासकीय वेव्हारांचेर रिवॉर्ड पॉयंट्स मेळचे नात. तशेंच कार्ड प्रोटेक्शन प्लॅन (CPP) आशिल्ल्या गिरायकांक १६ सप्टेंबर सावन नव्या व्हेरिएंटांत शिफ्ट करतले. ते खातीर नवे शुल्क घेतले.
५. आयकर विभागान वित्त वर्स २०२४-२५ खातीर आयकर विवरणपत्र भरपाची निमाणी तारीख आतां १५ सप्टेंबर केल्या.
६. जन धन अकावंट आशिल्ल्या खातेधारकांक केवायसी करपाची निमाणी संद आसा. केवायसी जावंक ना जाल्यार अकावंट कायमचो बंद जावपाक शकता. हाका लागून तुमकां सरकाराचे सबसिडीचो लाव घेवपाक मेळचो ना.
७. १ सप्टेंबर सावन चांदीचेरूय हॉलमार्कींग लागू केलां. ब्युरो ऑफ इंडियन स्टँडर्स (BSI) न स्पश्ट केलां, हॉलमार्कींग सुरवातेक इत्सिक स्वरुपाचें आसतलें. शेटींक हॉलमार्कींग करप बंधनकारक ना. मात तें स्वताचे इत्से प्रमाण करूं येता. मात फुडल्या काळांत हो नेम सक्तीचो आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
