भांगरभूंय | प्रतिनिधी
नवी दिल्ली, खबरां संस्था: रुप्याचे शुद्धताये संबंदीं केंद्र सरकारान म्हत्वाचें पावल उबारपाचो निर्णय घेतला. १ सप्टेंबर सावन रुप्याच्या वस्तींचेरूय हॉलमार्कींग सुरू जातलें. जीएसटी सयत दर किलो रुप्याचो दर एक लाख सोळा हजार रुपया मेरेन पावला. हाका लागून रुप्यांत भेसळ जावपाची शक्यताय आसा. देखूनच आतां सरकारान रुप्याचेरूय हॉलमार्क लागू केला.
ब्युरो ऑफ इंडियन स्टँडर्स (इडख) न स्पश्ट केलां, हॉलमार्कींग सुरवातेक स्वेच्छा स्वरुपांत आसतलें. शेटींक हॉलमार्कींग करप सक्तीचें ना. पूण तांकां आपले इत्से प्रमाण करपाक मेळटा. पूण फुडाराक हो नेम सक्तीचो आसतलो. तज्ञांच्या म्हणण्या प्रमाण हॉलमार्क केल्याा रुप्या वरवीं गिरायकां मदीं चड विस्वास निर्माण जातलो.
भांगराच्या वस्तींचेर हॉलमार्कींग सुरू जाल्ली तशीच हॉलमार्कींग प्रक्रिया आसतली. भारतीय मानक ब्युरोन चालीक लायिल्ल्या ह्या नेमा प्रमाण रुप्याचो दर्जो आनी शुध्दताय वळखुपाक गिरायकांक सोंपें जातलें. हो नेम रुप्याची भेसळ वा फटोवपी लोकांचेर सारको चाबूक मारपी थारतलो. तशेंच गिरायकांक शुद्ध आनी दर्जेदार रुप्याच्यो वस्ती मेळटल्यो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
