भांगरभूंय | प्रतिनिधी
इंदूर, शांताराम वाघ : नितळ अभियानांत इंदूर हें देशांतलें सेगीत सात वर्सां पयलो नंबर मेळिल्लें नितळ शार. ह्या शारांतलीं भौशीक प्रसाधनां, घरां सामकीं नितळ आसतात. रस्त्यार खंयच कोयर वा प्लास्टीक दिसना. इंदूर शार भिकारी मुक्त आसचें असो एक निर्णय जिल्लो प्रशासनान सोमारा घोशीत केला. १ जानेवारी २०२५ सावन इंदूर शारांत भीक दिवप्यांचेर गुन्यांव दाखल जातलो. ह्यान पयलींच भीक मागप्यांचेर बंदी घालपाचो आदेश जारी केलो.
इंदूराच्या जिल्लोधिकार्यांनी, लोकांक भीक दिवन ह्या पापांत वांटेकार जाव नाकात असो उलो मारला. ह्यान पयलीं जायत्या सुवातांचेर भिकार्यांचें पुनर्वसन केलें. इंदूर पालिकेचो हो निर्णय सामको बरो आशिल्ल्यान थंय भिकार्यांचें पुनर्वसनूय करतले. ही गजाल म्हत्वाची. केंद्रीय समाजीक न्याय विभागान एक प्रकल्प सुरु केला. ताचे वरवीं देशांतल्या इंदूर, मुंबय, नागपूर, दिल्ली, पाटणा, बंगळुरू , हैदराबाद, लखनौ, चेन्नय, अहमदाबाद ह्या शारांत भिकारी निर्मूलन मोहीम सुरु करतले. सरकाराचो भिकार्यां विशींचो निर्णय सामको म्हत्वाचो. हो निर्णय सगळ्याक दिसपाक जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
