भांगरभूंय | प्रतिनिधी
नवी दिल्ली, खबरां संस्था: अनुसूचीत जाती (एससी) आनी अनुसूचीत जमातीं वेल्यो (एसटी) ऍट्रॉसिटीच्यो सगळ्यांत चड कागाळी २०२२ वर्सा देशांतल्या १३ राज्यांनी नोंद जाल्यो. हातूंत उत्तर प्रदेश, राजस्थान, मध्य प्रदेश ह्या राज्यांचो आसपाव आसा. सगळ्यांत चड प्रकरणां हांगा नोंद जाल्यांत.
अनुसूचीत जाती आनी अनुसूचित जमाती (ऍट्रॉसिटी प्रतिबंध) कायद्या खाला सरकाराच्या अहवालांत हाी म्हायती दिल्या. ‘एससीं’वेल्यो ९७ टक्के कागाळी आनी ‘एसटीं’वेल्यो ९८.१ टक्के सगळ्यांत चड कागाळी १३ राज्यांनी नोंद केल्यात. ‘एससीं’च्या विशीं वट्ट ५१,६५६ प्रकरणांची नोंद केल्या. हातूंत उत्तर प्रदेशांत सगळ्यांत चड २३.७८ टक्के (१२,२८७) कागाळी, राजस्थानांत १६.७५ टक्के (८,६५१) आनी मध्य प्रदेशांत १४.९७ टक्के (७७३२) कागाळींच नोंद जाल्या. १३ राज्यांनी मेळून एससींच्या विशीं ९७.७ टक्के प्रकरणां ऍट्रॉसिटी खाला आसात.
अनुसूचीत जमातींच्या विशीं वट्ट ९,७३५ ऍट्रॉसिटी खाला गुन्यांवांची नोंद जाल्या. मध्य प्रदेशांत सगळ्यांत चड ३०.६१ टक्के (२,९७९), राजस्थानांत २५.६६ टक्के (२४९८), ओडिशांत ७.९४ टक्के (७७३) कागाळींचीं प्रकरणां आसात. तशेंच महाराष्ट्रांत ७.१० टक्के (६९१) आनी आंध्र प्रदेशांत ५.१३ टक्के (४९९) कागाळींची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
