भांगरभूंय | प्रतिनिधी
लंडन, खबरां संस्था: आतां क्रिकेटमोगीं खातीर एक बरी खबर आसा. २०२८ च्या ऑलिंपिकांत क्रिकेटीचोय आसपाव करतले, अशी घोशणा केल्या. हाका लागून संवसारभरच्या दरेका क्रिकेट मोगींच्या मनांत उत्सुकताय निर्माण जाल्या. सर्त कशी जातली? कितले संघ आसतले? अशे जायते प्रस्न चाहत्यांच्या मनांत आसात. चला तर जाणून घेवया सगले अपडेट्स…
६-६ संघ आनी टी२० स्वरूप
आंतरराष्ट्रीय क्रिकेट परिशदेचे (ICC) १२ पुराय देश वांगडी आसात, जाल्यार ९४ वांगडी देश आसात. अशें आसूनय, आयओसीन (IOC) २०२८ च्या लॉस एंजेलिस ऑलिंपिकांत दादलो आनी बायलां गटांत दरेकी ६ संघांचो आसपाव करपाक मान्यताय दिल्या. ही सर्त टी२० स्वरूपांत जातली. तशेंच, दोनूय श्रेणींत ९०-९० खेळाडूंचो कोटाय मंजूर केला. हाचोच अर्थ दरेक संघ ऑलिंपिका खातीर १५ वांगडी संघाची घोशणा करपाक शकता. सर्तींत क्रिकेटीचो दर्जो उच्च दर्जाचो आसचो म्हणूनच आयसीसीन संवसारांतल्या ६-६ सर्वोत्तम संघांचो आसपाव करपाचो प्रस्ताव दवरिल्लो.
यजमान देश म्हणून अमेरिकेक सरळ प्रवेश
ऑलिंपिक २०२८ चें यजमानपद अमेरिकेडकडेन आसा. दुसरे कडेन, जर यजमान देश म्हणून अमेरिकेक सरळ प्रवेश मेळ्ळ्यार दरेका श्रेणींतले उरिल्ले पांच संघ पात्रताय फेरींतल्यान आपलें स्थान निश्चीत करतलें.
ऑलिंपिकांत परततली क्रिकेट
वट्ट १२८ वर्सां उपरांत क्रिकेट हो खेळ ऑलिंपिकांत परत येता. ह्यान पयलीं१९०० वर्सा पॅरिसांत जाल्ल्या ऑलिंपीक खेळांत क्रिकेटीचो आसपाव केल्लो. तेन्ना फकत फ्रान्स आनी ग्रेट ब्रिटन हेच देश क्रिकेटींत वाटो घेताले. ह्या दोनूय संघांनी दोन दिसांची मॅच खेळयली. मात ह्या वेळार क्रिकेट टी-२० स्वरूपांत खेळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
