भांगरभूंय | प्रतिनिधी
पणजी: बोंडला प्राणी संग्रहालयांतल्या सगल्या जनावरांक अजून लेगीत विलगीकरणांत दवरल्यात. सगल्या जनावरांची भलायकी बरी आसा. ताका लागून प्रयोगशाळे कडल्यान ह्या सप्तकांत नकारात्मक अहवाल मेळ्ळे उपरांत बोंडला प्राणी संग्रहालय थळाव्या आनी पर्यटकां खातीर उक्तें करतले अशी म्हायती थंयच्या गोपांनी मंगळारा ‘भांगरभूंय’ कडेन उलयतना दिली.
बोंडला प्राणी संग्रहालयांतलीं तीन उदमाजरां (सीवेट कॅट) आनी दोन रानमाजरांक (वायल्ड कॅट) ‘एच5एन1’ ह्या संसर्गजन्य दुयेंसाक लागून मरण आयलें. ताका लागून प्राणी संग्रहालय लोकां खातीर बंद दवरिल्लें.
तशेंच सगल्या जनावरांक विलगीकरणांत दवरल्यात. सद्या सगल्या जनावरांची भलायकी बरी आसा. तांचे नमुने प्रयोगशाळेक धाडल्यात. थंय सावन ह्या सप्तकांत नकारात्मक अहवाल मेळ्ळे उपरांत प्राणी संग्रहालय थळाव्या आनी पर्यटकां खातीर उक्तें करतले अशेंय गोपांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
