भांगरभूंय | प्रतिनिधी
नवी दिल्ली, खबरां संस्थाः ह्या वर्साचें पयलें सूर्यग्रहण फेब्रुवारी म्हयन्यांत आसा. 2026 वर्साचें पयलें सूर्यग्रहण 17 फेब्रुवारी 2026 दिसा दिसतलें. ह्या काळांत जायते बदल घडटले. ह्या गिराणा वेळार कांय प्रमाणांत दिसाचो काळोख जातलो.
हें एक सामकें व्हडलें गिराण आसून सूर्यग्रहणांचेर लोक सदांच आर्कशीत जातात. सूर्यग्रहणाच्या वेळार व्हड बदल घडटात. अचकीत सुर्या भोंवतणी कांय गजाली घडटात, तातूंतली चडशीं आमकां प्रत्यक्षांत दोळ्यांनी पळोवंक मेळटात. ह्या गिराणा वेळार दिसांचो सुर्य पुराय काळो आसतलो आनी ताची फकत बाजू तांबडी आसतली. ही स्थिती कांय सेकंदां मेरेन उरतली. हो एक वेगळो अणभव आसतलो. पूण सूर्यग्रहणाक सरळ दोळ्यांनी पळोवचे परस आमी सदांच चश्मा वा कांय उपकरणा घेवन पळोवपाक जाय. सूर्यग्रहणाचो दीस शास्त्रीय नदरेन खूब म्हत्वाचो. ह्या काळांत खूब संशोधन करतात. शास्त्रीय नदरेनच न्हय तर ज्योतिशशास्त्रीय नदरेनय गिराणांक म्हत्वाचें मानतात. गिराणाच्या वेळार शास्त्रज्ञ जायत्या गजालींचे संशोधन करतात. हें ग्रहण दक्षीण आफ्रिका, अंटार्क्टिका, आर्जेन्टिना आनी चिली ह्या देशांनी दिसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
