भांगरभूंय | प्रतिनिधी
पणजीः गोंयच्या सोसायटींनी रेशन वांटपाच्या तंत्रगिन्यानांत तंत्रीक इबाड आयिल्ल्यान खूबशा जाणांक रेशनाचो लाव घेवंक मेळूंक ना. ह्या कारणाक लागून ह्या म्हयन्याचे रेशन वांटपाचे मर्यादेंत एक दीस वाडोवन रेशन घेवपाची निमणी तारीख 23 डिसेंबर 2025 मेरेन वाडयल्या, हे विशींचें परिपत्रक नागरी पुरवण खात्यान जारी केलां.
खात्याचे संचालक जयंत तारी हांणी जारी केल्ल्या परिपत्रकांत म्हणलां की, रेशन वांटप करपाचे माक्सन स्मार्ट पीडीएसचो नवो आयएईएससीएम सोफ्टवेरा भितर तंत्रीक इबाड जाल्लो. देखून रेशन कार्ड धारकांक सोसायटींनी रेशनाचें वांटप करपाक कळाव जाल्लो.
देखून ज्या पात्र लावार्थ्यांक जांकां आपल्या हक्काचो कोटा ह्या कोंफुसावांक लागून घेवपाक मेळूंक ना. तांकां तांचो लाव मेळून दिवपा खातीर रेशन वांटपाचे मर्यादेंत एक दीस वाड करून रेशन वांटपाची निमाणी तारीख जी पयली 22 डिसेंबर आशिल्ली ती आतां 23 डिसेंबर मेरेन वाडयल्या अशी म्हायती तारी हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
