भांगरभूंय | प्रतिनिधी
कॅन्सर म्हळ्यार दोळ्यां मुखार येता ती सिगारेट, तंबाखू आनी सोरो अशे व्हड धोके उबे रावतात. मात तज्ज्ञांच्या मतान, कॅन्सरचो धोको फकत ह्या सवयीं पुरतो मर्यादीत ना. सदचे जिणेंत आमी सहज आडनदर करपी सवंयोय वर्सान वर्स एकठांय येवन व्हड परिणाम करपाक शकतात.
तज्ञांच्या मतान, कॅन्सर अचकीत जायना. सदच्या ल्हान ‘मायक्रो-एक्सपोजर’राक लागून तो ल्हवल्हव तयार जाता. प्रदूशण, सनस्क्रीन लावप ना, अपुराय न्हीद, चड प्रोसेस्ड फूड ह्यो गजाली त्या वेळार धोको निर्माण करता अशें दिसना, मात बर्याच काळा खातीर ह्यो गजाली गंभीर थारपाक शकतात.
‘मायक्रो-एक्सपोजर’ म्हळ्यार कितें?
१) हवेच्या प्रदुशणाचो ल्हव परिणाम
वाहनांचो— धुंवर, बांदकामांचो धुल्ल आनी इंधन लाशिल्ल्यान तयार जावपी PM2.5 कण फुफ्फुसांच्या भितर पावतात. बरोच काळ संपर्कांत रावल्यार, सामकें सिगरेट ओडिनाशिल्ल्यां मदींय फुफ्फुसांच्या कॅन्सरचो धोको वडपाक शकता. एका दिना परिणाम जाणवना, मात वर्साचीं वर्सां तो सांचून उरता.
२. सदची हलको वतांतलो उजेडूय धोक्याचो
दर्यादेगेर खर वताक लागून सनबर्न आमी जतनाय घेतात. मात सदांच ऑफिसाक यो-वच करतना, दुचाकी चलयतना वा मैदानार व्यायाम करतना लागपी सुर्याच्या किरणां कडेन आडनदर जाता. सदांच लागपी हलकें वत कांतीच्या पेशींत डीएनए बदल घडोवपाक शकतात. हाका लागून मुखार कांतीचो रोग कॅन्सराचो धोको वाडपाक शकता.
३. प्रक्रिया केल्लें जेवण, चड साखर आनी ओबॅसीटी
प्रोसेस्ड मांस, चड साखर आनी नेमान सोरो पियेवन शरिरांत सूज, इन्सुलिन रेसिस्टन्स आनी हार्मोनल बदल निर्माण करतात. अशें वातावरण असामान्य पेशींक वाडोवपाची संद दिवपाक शकता. हेे परिणाम रोखडेच दिसनात, मात बरोच काळ धोको वाडटा.
४. अपुर्ण न्हीद आनी इबाडिल्लें जैवीक घडयाळ
नायट शिफ्ट, उणी न्हिद आनी दिसाच्या मेलाटोनिन आनी मेटाबॉलिझमचेर परिणाम करतात. कांय संशोधना प्रमाण, बरोच काय अशे पद्धतीन रावल्यार विशिश्ट कॅन्सराचो धोको वाडपा कडेन संबंद मेळटा.
५. सेगीत बसून काम करपाची संवय
सेगीत बसून काम करप, शरिरीक हालचालींचो उणाव आनी व्यायाम करप ना, हाका लागून रोगप्रतिकारक शक्तींचेर परिणाम जावपाक शकता. बर्याच काळांत हेंय धोको वाडोवपी थारपाक शकता.
हातुंतल्यान वाचप कशें?
ह्यो सगल्यो गजाली जरी आसल्यो तरी भियेवपाची गरज ना, फकत जागरूक रावपाची गरज आसा. आमच्या शरिरांत डिएनए दुरुस्ती आनी घटमूट रोगप्रतिकारक प्रणाली आसता. मात मात्शें मात्शें सांचून उरल्यार व्हड धोको निर्माण जावपाक शकता.
सदच्या ल्हान ल्हान संवयींनी हे बदल करात
नेमान सनस्क्रीन वापरप
घरांत आनी ऑफिसांत बरें व्हँटीलेशन आसप
प्रक्रिया केल्लें जेवण आनी साकर उणी खावप
सोरो पिवपाचेर मर्यादा घालप
दर दिसा ७-८ वरां न्हीद
उण्यांत उणीं ३० मिनटां एक्सरसायज करप.
कॅन्सर खंयचेय व्हड गजालीक लागून जायना. तो जायत्या वर्सांचे संवयेक लागून आकार घेतात.
टीप: ही म्हायती संशोधन अभ्यास आनी तज्ञांच्या मतांचेर आधारित आसा. वैजकी सल्ल्याचो पर्याय म्हणून हाचे कडेन पळोवचें न्हय. खंयचीच नवी संवय, जेवण आनी व्यायाम सुरू करचे पयलीं दोतोरांचो सल्लो घेवचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
