भांगरभूंय | प्रतिनिधी
न्यूयॉर्क, खबरां संस्था ः संवसारात कांय तृतीयपंथीय वा ट्रांसजेंडर लोकांक मनीस म्हणून मान दिनात. कांय देशांनी तांचे खातीर वेगळो कायदो आसा. ट्रांसजेंडर लोकां खातीर नोकऱ्यो वा समलैंगिक लोकां खातीर लग्नाचो कायदो केल्यात. कांय देशांनी अशा लोकांक समाज दत्तक घेतात. भारता सारक्या देशांत ह्या लोकां विशीं अजूनय चुकीचे समज आसात. आतां एका देशान तर ट्रांसजेंडर लोकांक मानसीक दुयेंती म्हूण जाहीर केल्यात.
दक्षीण अमेरिकेंतल्या पेरू देशान ट्रांसजेंडर लोकां संबंदी व्हड निर्णय घेतला. पेरू देशान ट्रांसजेंडर, नॉन – बायनरी आनी इंटरसेक्स लोकांक मानसीक दुयेंती अशें जाहीर केलां. सरकार आतां तांचेर फुकट उपचार करपाचें आसा. मानसीक भलायके खातीर वैजकी जतनाय घेवपाचो पुराय आस्पाव करपा खातीर देशांतल्या भौशीक भलायकी सेवांचो विस्तार केला. हाची खात्री करपा खातीर हो वादग्रस्त निर्णय घेतला.
LGBTQ + आऊटलेट पिंक न्यूजच्या म्हणण्या प्रमाण आतां ह्या निर्णया वरवीं भलायकी विमो येवजणेची व्याख्या बदलतली. देखून मानसीक दुयेंस आशिल्ल्या ट्रांसजेंडर आनी इंटरसेक्स लोकांक भलायकी विम्याचे फायदे मेळटले. ह्या नव्या निर्णया उपरांत लेगीत ट्रांसजेंडर लोकांक आनी LGBTQ + लोकांक कन्व्हर्जन थेरेपी करपाक जबरदस्ती करचे नात. पूण ह्या निर्णयाचेर पेरूच्या नागरिकांनी टिका केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
