भांगरभूंय | प्रतिनिधी
नवी दिल्ली, खबरां संस्था ः भारतान पॅरिस ऑलिंपिकांत 100 परस चड खेळगडे धाडिल्ले. पूण स पदकांच जिखपाक तांकां येस आयलें. पूण ह्या ऑलिंपिकांत एक असोय देश आशिल्लो, जाची लोकसंख्या फकत 2 लाख आसा. तांणी फकत चार खेळगडे धाडिल्ले. पूण तांणी भांगरा पदका सयत दोन पदकां मेळयलीं.
खंयच्या देशाक चड पदकां मेळ्ळीं?
ऑलिंपिकांत अमेरिकेंन सगळ्यांत चड पदकां जिखलीं. 126 पदकां. चीन दुसरे सुवातेर आसा, चीनान ह्या ऑलिंपिकांत 91 पदकां मेळयल्यात. पूण एक देश असोय आशिल्लो, फकत चार खेळगडे धाडून भांगरा सयत दोन पदकां मेळयली.
हो देश खंयचो?
सेंट लुशिया हो पॅरीस ऑलिंपिकांत वांटो घेवपी देश. ह्या देशाची लोकसंख्या सुमार 2 लाख आसा. तांणी ऑलिंपिकांत फकत चार खेळगडे धाडले. पूण पदकांच्या क्रमवारींत हो देश भारता परस वयर आसा. धांवपटू ज्युलियन अल्फ्रेडान सेंट लुसिया खातीर भांगरा आनी रुप्या पदकां मेळयल्यांत. ज्युलियनान बायलांच्या 100 मीटर सर्तींत भांगरा पदक जिखलें जाल्यार 200 मीटर सर्तींत तिका रुप्या पदक मेळ्ळें.
ऑलिंपिकांत भारताची कामगिरी…
भारतान पॅरिस ऑलिंपिकांत 117 जाणांचो पंगड धाडिल्लो. पूण ह्या ऑलिंपिकांत भारतान फकत एक रुप्या आनी पांच कांस्य पदकां मेळयलीं. भारत आनी सेंट लुशिया सारक्या देशांची तुळा केल्यार स्ट्रायक रेटच्या नदरेन आमी कितले फाटीं आसात तें समजूंक शकता.
हे खेपे जायत्या भारतीय खेळगड्यांक चवथ्या क्रमांकाचेर समाधान मानचें पडलें आनी हाका लागून पदकां उणीं जालीं. तेच बरोबर ह्या ऑलिंपिकांत भारताक एकूय भांगरा पदक मेळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
