होळी निमतान कोंकण रेल्वे मार्गाचेर धांवतल्यो विशेश गाडयो

भांगरभूंय | प्रतिनिधी

मडगांव ः होळी उत्सवाच्या निमतान प्रवाशांची गर्दी उणी करपा खातीर मध्य रेल्वेच्या समन्वयान कोंकण रेल्वे मार्गाचेर मुंबय ते मडगांव मेरेन विशेश गाडयो धांवयतले. रेल्वे क्रमांक ०११५१ / ०११५२ मुंबय सीएसएमटी- मडगाव जंक्शन – मुंबय सीएसएमटी जाल्यार रेल्वे क्रमांक ०११२९ / ०११३० लोकमान्य टिळक (टी) – मडगांव जंक्शन – लोकमान्य टिळक (टी) ह्यो विशेश गाडयो धांवयतले.
रेल्वे क्र. ०११५१ मुंबय सीएसएमटी – मडगांव जंक्शन स्पेशल ही मुंबय सीएसएमटी सावन बिरेस्तारा, ६ मार्चाक आनी १३ मार्चाक मधायन रातीं १२ वरांचेर सुट्टली आनी त्याच दिसा दनपारां १:३० वरांचेर मडगांव जंक्शनाचेर पावतली. रेल्वे क्रमांक ०११५२ मडगांव जंक्शन – मुंबय सीएसएमटी स्पेशल ही मडगांव जंक्शनवेल्यान बिरेस्तारा, ६ मार्चाक आनी १३ मार्चांक दनपारां २:१५ वरांचरे सुट्टली आनी ती दुसऱ्या दिसा ३:४५ वरांचरे मुंबय सीएसएमटी पावतली. ही २४ डब्यांची रेल्वे दादर, ठाणे, पनवेल, पेण, रोहा, माणगांव, खेड, चिपळूण, संगमेश्वर रोड, रत्नागिरी, आडवली, विलावडे, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड आनी थिवे स्टेशनांचेर रांवतली.
रेल्वे क्रमांक ०११२९ लोकमान्य टिळक (टी)- मडगांव जंक्शन विशेश गाडी बिरेस्तार, १३ मार्चाक आनी २० मार्चाक लोकमान्य टिळक (टी) हांगच्यान २२:१५ वरांचेर सुट्टली आनी दुसऱ्या दिसा १२:४५ वरांचेर मडगांव जंक्शन पावतली. रेल्वे क्रमांक ०११३० मडगांव जंक्शन – लोकमान्य टिळक (टी) विशेश शुक्रारा, १४ मार्चाक आनी २१ मार्चाक मडगांव जंक्शन सावन १३:४० वरांचेर सुट्टली आनी दुसऱ्या दिला ०४:०५ वरांचेर लोकमान्य टिळक (टी) हांगा पावतली. २० डब्यांची गाडी ठाणे, पनवेल, पेण, रोहा, माणगांव, वीर, खेड, चिपळूण, संगमेश्वर रोड, रत्नागिरी, आडवली, विलावडे, राजापूर रोड, वैभववाडी रोड, नांदगांव रोड, कणकवली, सिंधुदुर्ग, कुडाळ, सावंतवाडी रोड, थिवे आनी करमळी ह्या रेल्वे स्टेशनांचेर रावतली.
रेल्वे क्रमांक ०११५२ आनी ०११३० चे बुकिंग २४ फेब्रुवारी सावन सगल्या पॅसेंजर रिझर्व्हेशन सिस्टम (पीआरएस), इंटरनेट आनी आयआरसीटीसी वेबसायटीचेर सुरू जातले. ह्या गाडयांच्या वेळा खातीर www.enquiry.indianrail.gov.in संकेतथळाक वा एनटीईएस अॅपाक भेट दिवची. प्रवाशांनी ह्या सेवांचो लाव घेवचो असो उलो रेल्वे प्रशासनान केलां.