भांगरभूंय | प्रतिनिधी
नवी दिल्ली, खबरां संस्था: सोमार २५ मार्च दिसा पुराय देशांत होळी मनयतले. होळये दिसा चडश्या राज्यांनी बँको बंद उरतल्यो. चवथो शेनवार आशिल्ल्यान २३ मार्च आनी आयतार २४ मार्च बँकांनी कसलींच कामां जावचीं नात. म्हळ्यार २३ ते २५ मार्च अशे सेगीत तीन दीस बँको बंद आसतल्यो. तशेंच मार्चाचे निमाणे १० दीस म्हळ्यार २२ ते ३१ मार्च ह्या काळांत ८ दीस विवीध सुवातांचेर बँकेचें काम जावचें ना.
ऑनलायन बँकींग सुरू
बँकेक सुटी आसून लेगीत तुमी ऑनलायट बँकींग आनी एटीएमा वरवीं पयशांचे वेव्हार करपाक शकतात वा हेर कामां करपाक शकतात. बँकांच्या सुटयांचो ह्या सुविधांचेर कसलोच परिणाम जावचो ना.
मार्चात ९ दीस स्टॉक मार्केटांत ट्रेडींग ना
होळयेक लागून सेगीत ३ दीस शेअर बाजारांत कसलोच वेव्हार जावचो ना. ह्यो बँको २३ मार्च आनी २४ मार्चाक शेनवार आनी आयतार आशिल्ल्यान बंद उरतल्यो. २५ मार्चाक होळयेच्या दिसा कसलींच कामां जावचीं ना. गुड फ्रायडे, २९ मार्चाकूय बाजार बंद आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
